“Non podemos limitarnos a pensar só nas cinco grandes festas do ano como a oportunidade para promocionar a nosa cidade e o seu comercio. Ourense precisa dun compromiso sólido e continuo coa súa economía local e debe ser unha prioridade durante todo o ano”, manifesta o concelleiro Pepe Araújo
O Partido Popular propón como as medidas que o goberno local pode poñer en marcha: campañas de promoción e visibilidade, fomento da formación e a dixitalización, organización de actividades e feiras ao longo do ano, bonificación para xóvenes ou concesións de locais municipais
“Estas iniciativas non só axudarían a impulsar o comercio, se non que servirían tamén para dinamizar e poñer en valor zonas como o casco vello, que a día de hoxe está abandonado e con rúas cheas de baixos pechados”, indica Pepe Araújo
Os populares destacan que, malia as carencias que hai por parte do goberno municipal, a Xunta de Galicia xa está a dar pasos fundamentais para apoiar ao comercio local, como o bono Activa Comercio ou as axudas aos autónomos
29, xaneiro, 2025
O Grupo Municipal Popular expresa a súa preocupación ante a situación que está a atravesar o comercio local da cidade de Ourense. “Estamos a vivir un fenómeno alarmante, pois hai un peche progresivo de negocios de proximidade, mentres que as grandes multinacionais continúan a expandirse”, explica o edil Pepe Araújo. Unha realidade que lamentablemente afecta de maneira directa á economía local e á xeración de emprego. De feito, tal e como reflicten os datos do paro do último trimestre de 2024 a crise comercial que existe na urbe ourensá fai que Ourense se convirta na provincia coa taxa máis alta de paro de Galicia. Por este motivo, os populares entenden que é necesario que o goberno local tome medidas de forma inmediata.
“Non podemos limitarnos a pensar só nas cinco grandes festas do ano como a oportunidade para promocionar a nosa cidade e o seu comercio. Ourense precisa dun compromiso sólido e continuo coa súa economía local, que vaia máis alá dos eventos puntuais. O apoio ao comercio local debe ser unha prioridade durante todo o ano”, manifesta o concelleiro.
O Partido Popular propón varias medidas que o goberno local pode poñer en marcha para impulsar o comercio local: campañas de promoción e visibilidade, fomento da formación e a dixitalización para que poidan adaptarse á nova era dixital, mellorando a súa competitividade; organización de actividades e feiras ao longo do ano que atraían a veciños e a turista cara ó comercio local, bonificacións para xóvenes emprendedores ou concesións de locais municipais, pois temos que recordar o tempo que levan sen renovarse os contratos de aluguer dos locais municipais, como os que están á carón da Praza de Abastos ou do parque de A Ponte.
“Estas iniciativas non só axudarían a impulsar o comercio, se non que servirían tamén para dinamizar e poñer en valor zonas como o casco vello, que a día de hoxe está abandonado e con rúas cheas de baixos pechados”, indica Pepe Araújo.
O grupo municipal destaca que, malia as carencias que hai por parte do goberno municipal, a Xunta de Galicia xa está a dar pasos fundamentais para apoiar ao comercio local, como o bono Activa Comercio, que facilita descontos nas compras realizadas en establecementos locais, ou as axudas aos autónomos para mellorar a súa competitividade.
Por último, os populares solicitan que o goberno local asuma a súa responsabilidade e faga un esforzo por sumar as súas políticas para que Ourense sexa un referente de apoio ao comercio de proximidade e á súa xente.
