O PP reclaman unha vez máis a activación dunhas obras que foron contratadas por Adif-Av cun elevadísimo prazo de execución de 73 meses
“A alta velocidade chegou á cidade de Ourense en decembro de 2021 e con todo todo indica que vai ser a última das estacións galegas en ser modernizada por Adif-Av. Mentres, noutras cidades galegas as obras xa concluíron ou están moito mais avanzadas” sinala o deputado Celso Delgado
27, decembro, 2025
O pasado 4 de novembro de 2025 os deputados ourensáns do GPP, Celso Delgado, Ana Vázquez e Rosa Quintana rexistraron no Congreso estas preguntas: “Dentro do contrato de obras adxudicadas por Adif Alta Velocidade, do “Proxecto de construción da nova estación intermodal de Ourense e pasarela peonil e do Proxecto de construción da Nova Estación Intermodal de Ourense. Cubrimiento da praia de vías. Estrutura e urbanización”:
Cal foi a relación detallada das obras realizadas pola UTE adxudicataria no ano 2024? Cal é a relación detallada das obras realizadas pola UTE adxudicataria nos dez primeiros meses de 2025? Cal foi o importe certificado pola UTE adxudicataria do citado contrato?
A resposta do Goberno chegou o 12 de decembro de 2025 e foi a seguinte: “En relación co asunto interesado, sinálase que o importe do contrato consumido ata a data na obra da nova estación intermodal de Ourense ascende a 2,9 millóns de euros. Respecto ao resto de cuestións, Adif reitérase na información facilitada en anteriores respostas”.
Valoración da resposta
O Goberno négase a dar resposta algunha ás nosas preguntas sobre a relación detallada das obras realizadas pola UTE adxudicataria no ano 2024 e 2025. Asistimos a unha falta de transparencia do executivo.
En segundo lugar constatouse que 19 meses despois do inicio formal das obras (segundo o Goberno o 17 de maio de 2024), só se executaron obras por importe de 2,9 millóns de euros.
En consecuencia, tendo en conta que o importe total do contrato é de 111,75 millóns de euros (IVE incluído), a suma consumida ata o 12 de decembro de 2025 foi tan só do 2,59 %, unha suma moi pobre que vén confirmar que as obras avanzan moi lentamente.
Non debemos esquecer nunca que, con catro anos de atraso, ADIF-Alta Velocidade adxudicou as obras de ampliación e remodelación da nova estación intermodal de Ourense, a pesar de que o executivo de Pedro Sánchez comprometeu oficialmente que licitarían as obras no mes de xullo de 2019. Iso non ocorreu e foron ano tras ano incumprindo.
Xa no seu día manifestamos e agora reiteramos a nosa preocupación polo elevado prazo de duración deste contrato, 73 meses (6 anos e un mes), de modo que no mellor dos casos ,a finalización das obras levaranos a un afastado xuño de 2030.
Sinalar que a día de hoxe non comezou a ampliación do edificio de viaxeiros coa remodelación do vestíbulo, a construción dunha nova sala de embarque, acristalada e con vistas á praia de vías, sobre as antigas plataformas 1 e 2. Tampouco comenzáron as obras do novo paso elevado, cuberto e accesible (con ascensores e escaleiras fixas e mecánicas), para facilitar o acceso á zona de vías e plataformas, que será reordenada.
Non hai aínda obras de ampliación e cobertura parcial das vías, nin tampouco as que deberán afectar os accesos da estación: unha marquesiña de gran altura na entrada principal e cubertas modulares máis baixas no resto da praza de acceso. E sen indicio de comezo das obras da pasarela peonil cuberta, dotada de ascensor, que cruzará sobre as vías da estación entre A Ponte e ou Vinteún.
Outras estacións galegas xa finalizaron ou se impulsan activamentepor Adif-AV
A alta velocidade chegou á cidade de Ourense en decembro de 2021 e con todo todo indica que vai ser a última das estacións galegas en ser modernizada por Adif-Av.
Mentres noutras cidades galegas as obras xa concluíron ou están moito mais avanzadas, como en Santiago de Compostela Ou Coruña.
