Sánchez incorpórase á política local como cabeza de lista co obxectivo de transformar o municipio ante a falta de avances: “Levo 23 anos vivindo en Taboadela e non houbo cambio algún; o meu desexo é contribuír a que o noso concello progrese como merece”
O presidente provincial, Luis Menor, valorou a proposta do candidato como unha “alternativa moi sólida para recuperar a maioría que o PPP tivo sempre en Taboadela”
1, outubro, 2026
A xestora da agrupación local do Partido Popular propuxo a Andrés Sánchez Rodríguez como candidato á alcaldía Concello de Taboadela, acordo co cal o partido aposta por un perfil de renovación para liderar o proxecto municipal cara ás eleccións locais de maio de 2027.
Andrés Sánchez (Lobios, 1962), cunha dilatada carreira profesional nos Corpos e Forzas de Seguridade do Estado, incorpórase á política local como cabeza de lista co obxectivo de transformar o municipio ante a falta de avances: “Levo 23 anos vivindo en Taboadela e non houbo cambio algún”. Por esta razón, engade o candidato, “o meu desexo é contribuír a que o noso concello progrese como merece”.
Sánchez Rodríguez avanza que para as eleccións locais do próximo ano quere “combinar caras novas e experiencia”, unificando así o partido ao redor de “un equipo de consenso”. Esta combinación facilitará o contacto directo cos veciños, “tanto para presentarme como para coñecer de primeira man as necesidades específicas de cada núcleo de poboación”.
O candidato do PP ten claras as principais prioridades para Taboadela. Xunto co benestar de persoas maiores, o gran eixo da súa futura proposta debe ser, asegura, atraer a novos habitantes. Taboadela, sinala, ten unha localización estratéxica, situada a apenas 3 minutos do polígono industrial de San Cibrao das Viñas e a 10 minutos da capital. “Máis poboación non só dinamizará o pobo, senón que xustificará e garantirá a mellora de servizos crave”, afirma.
O presidente provincial, Luis Menor, valorou a proposta de Andrés Sánchez como unha “alternativa moi sólida para recuperar a maioría que o PPP tivo sempre en Taboadela”. Capacidade de diálogo, de escoita e firme defensor da unidade e o consenso son as características que destaca Luis Menor do candidato, “unha persoa que ilusiona e que contribuirá tamén no plano político a recuperar a base do PP neste concello”.
