Ourense 17 de maio de 2012.- O Partido Popular de Ourense quere facer público hoxe, no Día das Letras Galegas, o seu apoio a cantas iniciativas culturais e sociais están a realizarse na provincia de Ourense e en toda Galicia, "porque esta data tan sinalada para a nosa cultura afonda na identidade do noso pobo e contribúe a preservar a singularidade cultural e social que ten a nosa Galicia".

Este ano, no que precisamente se cumpre o centenario do nacemento do poeta celanovés Celso Emilio Ferreiro, ten especial relevancia a mensaxe social e "a pé de rúa" que os nosos poetas, literatos e intelectuais en xeral transmitiron coa súa obra especialmente dirixida para dar conta da realidade máis achegada aos cidadáns, como fixo no seu tempo Celso Emilio. Xunto con el os Blanco Amor, Otero Pedrayo, Cuevillas, Risco, toda a Xeración Nós, e mesmo antes Curros Enríquez ou Castor Elices, e ata datas máis recentes Antón Tovar, Valente, as irmás Pura e Dora Vázquez, todos eles e moitos máis foron quen de deixar unha herdanza de raigame cultural e etnográfica, que agora, cada ano que se celebra o Día das Letras Galegas fai que esta lembranza sexa unha verdadeira festa de homenaxe á palabra e á libertade de expresión da nosa cultura.

Por elo, o Partido Popular de Ourense quere transmitir o seu apoio a todos os eventos que nun día como o de hoxe se celebran na nosa provincia a prol da cultura e das tradicións da nosa terra, entre os que destacan a celebración da Romaría Etnográfica Raigame, declarada este ano Festa de Interese Turístico Galego, e o acto de lectura de poemas en galego organizado pola Asociación de Libreiros de Ourense, na rúa do Paseo, que esta mañá contou coa participación do presidente da Deputación provincial e do Partido Popular de Ourense, Manuel Baltar.    

Vilamartín de Valdeorras, 16 de maio de 2012.- O presidente do Partido Popular de Ourense, Manuel Baltar, presidiu hoxe a reunión constitutiva da xunta xestora do PP en Vilamartín de Valdeorras, co fin de optimizar a situación dos populares neste municipio e dirixir o partido ata a constitución da Xunta Local, na que se elexirá presidente local.
Da sesión constitutiva da xunta xestora de hoxe, na que participaron cargos electos, militantes e afiliados do PP en Vilamartín de Valdeorras, saiu elexido presidenta da devandita comisión Charo González López. A secretaria elexida foi Marian Candal Martínez, mentres que os vocais designados foron María Elena López González, Antonio López López, María Jesusa Candal Jarrín, José Antonio García Aira, José Pinto Álvarez, José Prieto Feás e José Luis Díaz Arias.
Manuel Baltar destacou que esta xuntanza "forma parte das diversas e frecuentes reunións de coordinación que está desenvolvendo o PPOU nos diferentes municipios da provincia co obxectivo de seguir fortalecendo as bases dos populares",  salientando ademáis que "unha prioridade irrenunciable é a de manter un contacto fluido e productivo con tódalas xuntas locais do PPOU en Ourense".    

Ourense 16 de maio de 2012.- O Partido Popular de Ourense lamenta que os alcaldes de Ourense e Vigo non coincidan nos temas positivos e de futuro para os cidadáns, como correspondería a uns responsables institucionais, pero que si o fagan cando se trata de derrocar ao seu líder en Galicia, Pachi Vázquez, onde non agochan ningún reparo en socavar o presunto liderado do dirixente socialista galego.
O rexedor vigués lamentou que Ourense vaia recibir 45 millóns de euros para o proxecto do Hospital 2050, investimento que preferiría para Vigo,mentres que o alcalde de Ourense, Francisco Rodríguez, criticou este investimento, e en lugar de saudar o ambicioso proxecto infraestrutural e tecnolóxico presentado onte polo presidente da Xunta, Alberto Núñez Feijoo -que colocará ao Complexo Hospitalario Universitario de Ourensecomo un dos hospitais á vangarda da sanidade en España-, dedicouse a enviar á cidadanía mensaxes de desánimo e catastrofistas, como é habitual nel, dando a entender que en lugar de apoiar o que será o proxecto sanitario máis importante de Galicia é mellor sementar dúbidas e desconfianzas.
Unha vez máis os dous alcaldes prefiren dirixir os esforzos conxuntos para dinamitar o seu partido desde dentro en lugar de preocuparse do que realmente interesa que son os problemas da cidadanía, e un deles, o primeiro de todos, a saúde.
Mesturar intereses partidistas e políticos con algo tan serio para a vida das persoas como é a saúde non ten outro cualificativo que o do "egoísmo político e persoal", e polo que se ve, aos dous alcaldes socialistas de Vigo e Ourense o que lles interesa son as liortas internas do PSdeG-PSOE, onde si están plenamente de acordo, máis que traballar conxuntamente pola mellora da nosa sanidade.    

Ourense, 14 de maio de 2012.- Hoxe luns, 14 de maio, na sede do Partido Popular de Ourense, o presidente provincial, Manuel Baltar, presidiu a reunión da Xunta Directiva do PPOU, na que tamén participou o secretario provincial, Rosendo Fernández. Tamén asistiu como convidado o secretario xeral Tomás Fernández Couto, quen informou acerca das políticas desenvolvidas pola Xunta na actualidade.
Neste encontro, que se desenrola periódicamente, se analizaron tódalas cuestións relativas á actividade do Partido Popular de Ourense, sobre todo dende que o pasado 18 de abril os alcaldes e portavoces dos 92 municipios da provincia analizasen co presidente provincial aspectos económicos e de servizos nos seus respectivos concellos. Manuel Baltar destacou a importancia do seguimento e apoio de tódalas actividades organizadas dende o PPOU, agradecendo ademáis a implicación e esforzo en tódolos municipios ourensáns neste eido.
Asemade, na Xunta Directiva de hoxe quedou fixado para o vindeiro día 15 de xuño a convocatoria do Congreso Local do Partido Popular en Ribadavia, no que se elexirá presidente local, cargo que actualmente ostenta José Pérez Iglesias.

Ourense, 14 de maio de 2012.- O portavoz municipal do PPOU, Rosendo Fernández, e o concelleiro José Luis Valcarce Baiget, compareceron hoxe en rolda de prensa para falar da moi cuestionable e pouco transparente política de persoal deste Concello.
Tal e como manifestou Rosendo Fernández, "mentres outras institucións están a diario como centro das críticas -moitas delas baseadas na infamia e na mentira, a pesares de que todas as súas contratacións seguen os pasos legais esixidos, como por exemplo a publicación das ofertas de emprego no Boletín Oficial da Provincia, neste Concello a política de contratacións auspiciada polo Bipartito está fundamentada en cuestións como a selección por teléfono, a renovación de contratos de xeito irregular e, incluso as contratacións a dedo como pago de favores políticos". Esto ilustrouno o portavoz popular cun nome: Juan Pérez.
Sinalou Rosendo Fernández que esta persoa, que ocupou cargos de responsabilidade dende o inicio do Bipartito en Intervención e Compras, na xerencia do programa Auria Inserta e tamén foi xerente da nova adxudicataria do Servizo de Limpeza (tendo a honra, ademáis, de propiciar a única folga de recollida de lixo deste municipio), hoxe en día é unha das novas contratacións deste Concello dentro do programa Ourense Inserta, financiado co Fondo Social Europeo. "Contratación esta que ten certo cheiro de pago político, de colocación dun comisario socialista, xa que noutras administracións non moi lonxanas, para cubrir prazas similares financiadas co Fondo Social Europeo, saiu publicada a convocatoria no BOP, algo que neste Concello non se estila", dixo o portavoz popular, "de feito, con feitos coma éste, non é extraño que a este Bipartito pouco lle importe o éxito dos programas de formacióne emprego (que debería estar baseado no seu equipo directivo), aquí o que se pagan, e moi ben por certo, son os favores políticos".
Pola súa banda, José Luis Valcarce Baiget puxo de manifesto que nas recentes contratacións laborais que se fixeron no Concello, a selección de persoal se realizou por teléfono, na meirande parte dos casos a menos de 24 horas da data da selección formal, cando no resto das administración se publica a relación de admitidos e excluidos nos correspondentes boletíns oficiais e na páxina web.
Asemade, José Luis Valcarce Baiget sinalou que nas entrevistas persoais (fundamentais á hora de puntuar, en moitos casos máis que os méritos profesionais dos aspirantes), produxéronse preguntas tan esperpénticas como por exemplo se o aspirante sabe cambiar unha bombilla ou si é aficionado ao deporte. Tamén lembrou o concelleiro popular que a comisión de valoración para o programa Ourense Inserta, en vez de ter tres membros, só tiña dous, incumplindo así as bases.Por último, José Luis Valcarce Baiget explicou tamén as irregularidades existentes co nomeamento de seis interinos para postos de conserxes, onde a lei (Estatuto Básico do Empregado Público) esixe que non se fagan máis dun contrato de seis meses nun ano para o mesmo posto e servizo, e no que se realizaron cinco renovacións automáticas para os seis postos ofertados. Sobre este asunto o Bipartito non facilitou a revisión do expediente e o informe xurídico correspondente que solicitou o PPOU o pasado 25 de abril, nun novo exercicio de oscurantismo e falta de transparencia municipal.