Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
Revista Populares Ourense
Escola de ver‡n
Presidente Partido Popular de Ourense
Facebook

18 Congreso Popular


• O documento recolle accións en materia de política social, turismo, identidade, cultura, dinamización económica, termalismo e cooperación, con especial atención a iniciativas relacionadas con actuacións no área de emerxencias, destacou o coordinador do grupo, Pablo Pérez, na presentación do decálogo.

• “Estas propostas completan o Plan Ourense 15-19, un proxecto de acción de goberno baseado na planificación pero sempre aberto a novas incorporacións”, apuntou pola súa banda o portavoz dos populares, Plácido Álvarez.

Ourense, 14 de novembro de 2017.- O grupo provincial popular presentou esta mañá un decálogo de propostas de resolución que presentará ao pleno pleno extraordinario do debate sobre o estado da provincia, que a Deputación de Ourense celebrará o xoves, día 16. Un documento que recolle accións en materia de política social, turismo, identidade, cultura, dinamización económica, termalismo e cooperación, aínda que compre destacar a atención prestada a iniciativas relacionadas con actuacións no área de emerxencias.

Así o sinalou o coordinador do grupo popular, Pablo Pérez, durante a presentación do decálogo, acto no que estivo acompañado polo portavoz do grupo, Plácido Álvarez, e a deputada de Transparencia e Goberno Aberto, Monserrat Lama.

  
  
Pablo Pérez subliñou que o acontecido a mediados do mes de outubro coa vaga de lumes, así como as iniciativas que está a impulsar a Deputación de Ourense no uso das últimas tecnoloxías en situación de emerxencias ou o financiamento íntegro por parte da institución provincial dos Grupos de Emerxencia Supramunicipais “precisaban de accións complementarias de cara á sensibilización da sociedade, de ahí que unha das nosas propostas teña como obxectivo transmitir á sociedade ourensá, con especial atención a escolares e maiores, a necesidade de incidir na prevención”.

O coordinador do grupo popular quixo destacar a aposta do Goberno provincial por seguir a traballar en ámbitos de especial relevancia para o futuro de Ourense, apuntando ademais “o noso compromiso coa colaboración con outras administracións para o aproveitamento de recursos, por iso incluímos neste decálogo a cooperación coa Xunta de Galicia para recuperar os antigos centros comarcais con vistas a proxectos de carácter público”.

“Estas propostas veñen a completar o Plan Ourense 15-19, un proxecto de acción de goberno baseado na planificación pero sempre aberto a novas incorporacións, en resposta ás necesidades desta provincia”, dixo pola súa banda o portavoz dos populares, Plácido Álvarez.

Pese a visión pesimista doutras formacións, “o grupo popular cre nesta provincia e non deixaremos de seguir a proponer novas ideas e proxectos que redunden en beneficio do noso territorio e das nosas xentes”, engadiu Álvarez. 

Monserrat Lama foi a encargada de detallar o contido do decálogo de propostas de resolución:

Política Social
1- Reforzamento do Consello Social Provincial. Elaborar un mapa de diagnose da provincia e un plan de reforzo do labor que desenvolven as distintas asociacións e entidades, caracterizado pola máxima participación e transparencia.
Emerxencias

2- Formación en prevención de Incendios
Co obxectivo de que a formación en prevención de incendios chegue a toda provincia, a Deputación porá en marcha un programa de actividades denominado “Semana Provincial de Prevención de Incendios”, implicando ao Consorcio Provincial de Incendios e Salvamento, grupos de bombeiros supramunicipais, G.E.S. e Protección Civil, para que entre todos consigan transmitir dun xeito eficaz a mensaxe da prevención aos ourensáns, con especial atención aos escolares e maiores.

3- Rede de helisuperficies
Reforzar o compromiso da Deputación co territorio en materia de prevención de incendios e actuacións en caso de emerxencias, co seu esforzo inversor en infraestruturas, cunha rede de “Helisuperficies”  en terreos de titularidade provincial.

Turismo
4- Aproveitamento do pulo do Ano Xacobeo 2021
Elaborar unha estratexia turística provincial enfocada aos peregrinos, con vistas ao Xacobeo 2021, coa posta en valor dos camiños de Santiago que transcorren pola nosa provincia, así como a Vía Nova ou Vía XVIII do itinerario Antonino que atravesa en diagonal a provincia de Ourense, de suroeste a nordés, desde a fronteira con Portugal en Portela do Home (Lobios) ata a serra de Enciña da Lastra (Rubiá

Identidade e cultura propia
5- Cen anos da Revista Nós
Participar activamente na celebración en 2020 dos cen anos da aparición da Revista Nós, auténtico referente identitario social e político con berce na nosa provincia.

Cultura e Patrimonio
6- Aposta por recuperar, conservar e difundir a memoria oral da provincia
A Deputación axudará a preservar para xeracións vindeiras o patrimonio inmaterial da nosa provincia, agora só dispoñible na memoria dos ourensáns máis lonxevos e susceptible de desaparecer progresivamente co paso do tempo. Un xeito de traballar que conta cun espello claro no Centro de Cultura Popular “Xaquín Lourenzo” desta Deputación Provincial.

Dinamización económica
7- “Marca Ourense”
Estudo da implantación da  “marca Ourense” de calidade na produción agroalimentaria, tendo en conta as denominacións de orixe e indicacións xeográficas protexidas coas que contamos no territorio provincial.

8- “Plan Exportou”
En convenio coa Confederación de Empresarios de Ourense renovar a alianza para reforzar o apoio ás empresas da provincia no ámbito da internacionalización, reeditando o “Plan Exportou”.

Termalismo
9-  Mesa Técnica Termal
Creación e posta en marcha da Mesa Técnica Termal coordinando diversas administracións en relación a calquera proxecto que se presente, tendo entre os seus obxectivos a axilidade na tramitación.

Cooperacion coa Xunta de Galicia
10- Centros Comarcais 
Estudo da xestión e utilización dos antigos centros comarcais da Xunta de Galicia, como estamos a facer co de Castro Caldelas para ubicar alí o Museo Antropolóxico da Ribeira Sacra.

 

• Nunha moción do PP aprobada hoxe por unanimidade, a senadora ourensá Carmen Leyte afirmou que “os que queimaron sabían o que facían, a súa intencionalidade era clara e elixiron as condicións perfectas para realizar o mal”.

Ourense, 8 de novembro de 2017.- A Cámara Alta aprobou hoxe por unanimidade unha moción do PP que insta o Goberno á adopción de medidas de apoio aos municipios afectados polos incendios forestais. A iniciativa incorporou unha emenda transaccional que introduce na súa redacción o pesar do Senado polas mortes ocasionadas nos incendios forestais acaecidos en Galicia e Gran Canaria e que insta a continuar apoiando ás comunidades galega, castelá-leonesa, asturiana e canaria para superar esta traxedia ambiental.

O texto da moción, que foi defendida pola senadora ourensá Carmen Leyte e o segoviano Juan Carlos Álvarez, pide ao Goberno que axilice a concesión de axudas e subvencións para reparar, na medida do posible, os danos ocasionados polos incendios. Galicia foi a comunidade máis afectada polos incendios que, en torno ao 13 de outubro, arrasaron máis de 35.000 hectáreas e provocaron a morte de catro persoas.

Carmen Leyte afirmou que “os que queimaron sabían o que facían, a súa intencionalidade era clara, prendendo lume en zonas de difícil acceso, con varios focos simultáneos para complicar a súa extinción e maioritariamente de noite para que non puidesen saír os medios aéreos. Elixiron as condicións perfectas para realizar o mal. O monte é noso, de todos, forma parte da nosa memoria, da nosa paisaxe, da nosa riqueza”.

Os incendios non só afectaron os bosques, senón que tamén se aproximaron a zonas urbanas como a área metropolitana de Vigo, que chegou a estar rodeada por cinco lumes. Foi necesario evacuar varias poboacións e paralizar a produción da fábrica de automóbiles PSA Peugeot Citroën en Vigo.

O GPP no Senado lamenta as mortes que provocaron os incendios e recoñece e agradece o labor de todos os que traballaron na súa extinción. A senadora por Ourense expresou o seu “recoñecemento a todos os brigadistas, exército, garda civil, policía, autoridades e veciños que estiveron ao dar todo, mesmo con risco das súas propias vidas”.

Os dous senadores destacaron que os incendios forestais non son un problema de medios de extinción e apuntaron ao despoboamento das zonas rurais e a falta de uso dos montes como os principais problemas do medio ambiente. “Un monte xestionado é un monte con máis defensas fronte aos incendios”, afirmou Juan Carlos Álvarez.

O senador segoviano pediu ao Estado “que proceda a colaborar cos gobernos rexionais en actuacións hidrolóxico-forestais para mitigar os efectos das choivas, tanto en zonas incendiadas como en concas receptoras de posibles arrastres erosivos; na recuperación das infraestruturas danadas; naquelas zonas danadas de hábitats de interese comunitario, e naqueloutras que estime procedente”.

Para iso,  propón que se declare a emerxencia naqueles sinistros de Galicia, Castela e León e Asturias, onde máis grave impacto ambiental causouse. Juan Carlos Álvarez explicou que a declaración de emerxencia é necesaria para que a administración xeral do Estado actúe en terreos e territorios que non son da súa competencia.

 

• O deputado popular subliñou que agora toca “continuar coas investigacións, respostar aos danos e traballar cara o futuro, porque o noso enimigo común é o lume e quen o provoca”.

Ourense, 8 de novembro de 2017.- O deputado popular no Congreso pola provincia de Ourense, Miguel Ángel Viso, defendeu a cooperación das administracións contra os incendios forestais  e a colaboración da sociedade coa xustiza “para que aqueles que provocan os lumes con intencionalidade e dolo non queden impunes”. Viso fixo este chamamento durante a súa intervención no pleno da Cámara baixa, en resposta a unha moción do grupo socialista sobre a política do Goberno en prevención e loita contra os incendios, na que subliñou que agora é o momento de “continuar coas investigacións, respostar aos danos e traballar cara o futuro, porque o noso enimigo común é o lume e quen o provoca”.

  
  
Cun recordo ás vítimas dos incendios, á solidariedade coas súas familias e o agradecemento aos profesionais que traballaron nos labores de extinción durante a vaga de lumes, Miguel Ángel Viso destacou o traballo que está a facer o Goberno na avaliación e cuantificación dos danos, “para a recuperación e restauración forestal das zonas afectadas coas medidas oportunas”, en colaboración coa Xunta de Galicia e, no caso concreto de Ourense, coa Deputación provincial.

Viso detallou os aspectos nos que está a traballar o Goberno nesta materia, como a declaración de emerxencia de protección civil nas zonas afectadas, a elaboración da Estratexia de Modernización e Diversificación Rural ou as 85 medidas do Plan de Activación Socioeconómica do sector forestal.

Ademais, entre outras actuacións xerais citou o financiamento estatal dos programas de desenvolvemento rural das comunidades autónomas -2.000 millóns de euros no periodo 2014-2020 para medidas forestais- ou o futuro proxecto de Lei de Cambio Climático e Transición Enerxética, “recoñecendo o papel clave que xogan os bosques e a súa xestión fronte ao cambio climático”.


 

Ver Todas

Suscíbete:
Redes Sociales: