O Carballiño, 26 de febreiro de 2013.- O candidato á Presidencia do Partido Popular de Ourense, Manuel Baltar, mantivo esta tarde un encontro coa militancia popular da vila do Arenteiro, dentro da rolda de actos electorais que conforman a campaña interna do PPOU.
Neste encontro, no que estivo acompañado polo alcalde e responsable local do PP no Carballiño, Argimiro Marnotes, Manuel Baltar explicou polo miúdo as propostas do seu programa de goberno no Partido Popular para os vindeiros anos, onde o achegamento cara a cidadanía, a modernización e a importancia de levar a cabo unha xestión coordinada e óptima, co fin de defender os intereses da provincia, son claves para os vindeiros anos.
A reelección de Manuel Baltar como presidente do Partido Popular de Ourense levarase a cabo o vindeiro 16 de marzo, no marco do XVI Congreso Provincial do PP de Ourense, que terá lugar no Pazo dos Deportes Paco Paz.
Mañá, o acto da campaña interna do PPOU desenrolarase en Verín, ás 19 horas, na sede dos populares da vila do Támega.