Ourense, 16 de outubro de 2012.- Tralo almorzo co candidato á reelección á Presidencia da Xunta, Alberto Núñez Feijóo, unha comitiva de cargos populares achegáronse á Praza de Abastos para conversar e visitar aos comerciantes que día a día desenvolven alí a súa profesión.
A candidata Cristina Fernández Romero, a deputada no Congreso Ana  Belén Vázquez e a concelleira en Ourense Belén Iglesias foron as encargadas de trasladarlle aos comerciantes da Praza de Abastos as propostas do Partido Popular de Galicia en materia de comercio, que pasan por potencialo e inxectar recursos para que este tradicional oficio, ben visible en Ourense, permaneza e consiga consolidarse como unha das claves económicas na cidade das Burgas.