Noticias
Blog
O Partido Popular inicia en Soutomaior a carreira para levar a Rajoy á Presidencia do Goberno
ppou - 04-Septembro-2011 - 11:25:34
Máis de 2.000 militantes e simpatizantes do Partido Popular de Galicia déronse cita no Castelo de Soutomaior (Pontevedra) no tradicional acto de inicio do curso político, con Mariano Rajoy e Alberto Númez Feijóo como figuras máis destacadas.
A gran cita dos Populares galegos, que marca o inicio da carreira para levar a Mariano Rajoy á Presidencia do Goberno o vindeiro 20 de novembro, contou tamén coa presenza de Manuel Baltar, presidente do PP de Ourense, e cón numerosos representantes populares ourensáns, xunto cos demais presidentes provinciais, así como diferentes cargos do PP de ámbito nacional, autonómico, provincial e local.
Rajoy dixo na súa intervención que o PP traballa para todos aqueles que confían en que España necesita un liderado claro que anticipe os problemas, «fronte aos que improvisan e crean desconfianza», e pediu un «un esforzo colectivo» para participar nun proxecto político«compartido, inclusivo e con base na responsabilidade» fixando como obxectivo primordial «combater a crise, crecer e crear Emprego».
Rajoy afirmou que non hai unha crise profunda e un grave desequilibrio que non se podan superar e corrixir, «temos probas irrefutábles de que somos unha nación con potencial suficiente,con esforzo, con sacrificio, talento e creatividade, para recuperarse», e engadiu que este momento histórico «nos esixe virtudes colectivas e decisións inmediatas, éxitos que van determinar o noso futuro», explicou.
Pola súa banda, o presidente do PP de Galicia e da Xunta, Alberto Núñez Feijoo, destacou que a reforma constitucional aprobada no Congreso esta semana «é un compromiso que xa Rajoy solicitara hai un ano», e reprochou ao PSOE que nos anos de bonanza económica aumentou a débeda pública «máis que nunca», «e non foi quen de pagar un só quilómetro de AVE, nin de ampliar os portos nin de facer outras grandes obras que necesita Galicia».