Noticias
Blog
Manuel Baltar agradece “o compromiso e confianza no proxecto político popular” aos novos afiliados do PP
• A sede provincial acolleu o acto de entrega de carnés a unha vintena de militantes, en representación do máis de medio cento de persoas que nas últimas semanas se inscribiron na formación popular a través da xunta local de Ourense cidade.
29, febreiro, 2020.
A sede provincial do Partido Popular de Ourense acolleu esta mañá o acto de entrega de carnés a unha vintena de novos afiliados, en representación do máis de medio cento de persoas que nas últimas semanas se inscribiron na formación popular a través da xunta local de Ourense cidade.
O presidente provincial, Manuel Baltar, deu a benvida aos novos afiliados –“que vos sumáis a unha gran familia de 27.000 militantes”- agradecendo “o compromiso e a confianza depositada no proxecto popular, nun momento político complexo, o que tamén fala ás claras das persoas que, como vós, creedes na capacidade deste partido para seguir facendo un Ourense e unha Galicia mellores”.
Logo tamén do agradecemento expresado polo presidente da agrupación local de Novas Xeracións, Alberto Fraguas, o presidente da xunta local de Ourense, Jesús Váquez, destacou o aumento experimentado nos últimos meses no número de afiliados, “apoiando ao partido que, como ven de demostrar, é o que máis beneficia a Galicia e Ourense”.