Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Eleccións Xerais 10N: “O voto ao PP é útil en todas partes, pero neste caso necesario porque urxe unha solución e un goberno para España”

Imprimir ppou - 02-Novembro-2019 - 21:09:50 


• O presidente provincial, Manuel Baltar, subliñou que os populares ourensáns saben traballar para “dar como sempre o facemos unha lección de responsabilidade e conseguir de novo que sexamos a formación con maior apoio electoral, para contribuír a unha gran maioría nas Cortes Xerais”.

• A cabeza de lista ao Congreso, Ana Vázquez, acusou aos socialistas de “ser auténticos trituradores do emprego, polo que si queremos seguir crecendo como ocorreu co Goberno de Rajoy o primeiro que temos que facer é mandar ao paro a Sánchez”. 

• O número uno ao Senado, Miguel Ángel Viso, pediu aos populares que saian ás rúas “para recordarlle aos cidadáns que nós somos o partido coa máis ampla experiencia de goberno, o que puxo a este país no camiño do crecemento e o único capaz de ofrecer a estabilidade”.

2, novembro, 2019.

“O Partido Popular é útil en todas partes, pero neste caso é máis necesario que nunca porque urxe unha solución e un goberno para España”, dixo hoxe o presidente provincial do PP, Manuel Baltar, no inicio da campaña para as eleccións xerais do 10 de novembro, xornada que tivo como escenarios as vilas do Carballiño e Bande, a primeira delas cun mitin-xantar no que tamén participou o presidente do PPdeG, Alberto Núñez Feijóo.

Manuel Baltar insistiu en que compre unha solución política “para a que temos a ferramenta máis útil da democracia, que é depositar a papeleta do Partido Popular nas urnas”. Os populares, afirmou, “temos que dar como sempre o facemos unha lección de responsabilidade e conseguir de novo que sexamos a formación con maior apoio electoral, para contribuír a unha gran maioría nas Cortes Xerais”.

  
  
O PP ourensán sabe traballar para conseguir os seus obxectivos, dixo Baltar, “é a mostra está nas municipais, onde os vosos votos serviron para gobernar na Deputación, no Concello de Ourense e noutros 60 concellos de toda a provincia”.

“Agora queremos repetir os tres senadores conseguidos en abril e os tres deputados no Congreso das xerais de xuño de 2016”, afirmou o presidente provincial, “e iso conseguirémolo cos máis de 90.000 votos que sempre tivemos, e alcanzaremos ese obxectivo se cada un dos nosos 30.000 afiliados convencen a dúas persoas e recuperamos os votos daqueles que en abril escolleron outras opcións, porque a división do voto só serve para que a esquerda de Sánchez nos impida gobernar”.
 
ANA VÁZQUEZ: “QUE NON DUBIDE NINGUÉN QUE OS SOCIALISTAS SEGUIRÁN CONVOCANDO ELECCIÓNS ATA QUE CONSIGAN OU SEUS OBXECTIVOS PARTIDISTAS”.

Na súa intervención, a cabeza de lista polo Congreso, Ana Vázquez, acusou aos socialistas de “ser auténticos trituradores do emprego, polo que si queremos seguir crecendo como ocorreu co Goberno de Rajoy o primeiro que temos que facer é mandar ao paro a Sánchez”. Un presidente en funcións “máis preocupado do pasado e dirixindo un partido que só ten unha soa preocupación: o propio Sánchez”.

Tanto no Carballiño como diante dos seus veciños na súa localidade natal, Bande, mitin no que tamén participou a membro da xunta executiva do PPdeG, Ánxeles Vázquez, a candidata ao Congreso subliñou a importancia destas eleccións para o futuro de España, “pero tamén para Galicia, á que os socialistas ignoran descaradamente porque senten envexa da estabilidade do noso goberno popular”.

Todo o contario que un presidente do Goberno en funcións, do que dixo “que non dubide ninguén que seguirá convocando eleccións ata que consiga ou seus obxectivos partidistas”, pero, advertiu, “nós temos a oportunidade de romper ese saco de avaricia”.

  
  
MIGUEL ÁNGEL VISO: “DESDE AS CORTES XERAIS O PP SÓ PENSA EN DAR RESPOSTA AOS DESAFÍOS PRESENTES E FUTUROS DE TODOS OS CIDADÁNS”.

Tamén en ambas as dúas citas interveu o número uno da lista popular oa Senado, Miguel Ángel Viso, que animou aos afiliados e simpatizantes do PP “a saír ás rúas e recordarlle aos cidadáns que nós somos o partido coa máis ampla experiencia de goberno, o que puxo a este país no camiño do crecemento e o único capaz de ofrecer a estabilidade política, económica e social que precisamos”.

Viso apelou a súa experiencia política nestes últimos catro anos, “no que puden comprobar a máis que lamentable creatividade dos representantes de moitos grupos políticos, facendo todo tipo de teatro para conseguir o seu minuto de gloria nos medios e nas redes”. O respecto polos órganos institucionais, engadiu, “é a bandeira do PP, que desde as Cortes Xerais só pensa en dar respostas aos desafíos presentes e futuros de todos os cidadáns”.


Suscíbete:
Redes Sociales: