Noticias
Blog
Eleccións Xerais 10N: Rosendo Fernández: “estamos a demostrar que en calquera lugar hai persoas do PP comprometidas coa provincia”
• O secretario xeral do PPOU detallou aos representantes das xuntas locais dos sete concellos que integran o Partido Xudicial do Barco as claves da campaña electoral do 10N
9, outubro, 2019.
O Partido Popular de Ourense continuou hoxe en Valdeorras o seu calendario de reunións cos representantes das agrupacións locais da formación, no marco da organización das eleccións xerais do 10 de novembro e para dar a coñecer as claves dunha campaña electoral singular, posto que só terá unha duración de oito días.
O secretario xeral e coordinador de campaña dos populares, Rosendo Fernández, afirmou que con estas reunións “estamos a demostrar que en calquera lugar hai persoas do PP comprometidas coa provincia, recollendo as súas aportacións para facer propostas que respondan ás necesidades da cidadanía e ofrecer así unha alternativa de goberno”.
Na xuntanza desta tarde participaron os representantes das agrupacións locais que integran o Partido Xudicial do Barco de Valdeorras, dentro da correspondente xunta electoral de zona: O Barco de Valdeorras, Carballeda de Valdeorras, Petín, A Rúa, Rubiá, A Veiga e Vilamartín.