Noticias
Blog
O PP inicia na xunta directiva un ciclo de convocatorias informativas sobre actividades e servizos para o cidadán
ppou - 08-Marzo-2017 - 22:13:10
• O presidente provincial destacou a necesidade de informar aos alcaldes e concelleiros “por ser eles os que teñen o contacto máis cercano co cidadán”
Ourense, 8 de marzo de 2017.- “No Partido Popular queremos que os nosos alcaldes e concelleiros profundicen nas distintas áreas de actividade e servizos das administracións, xa que son eles os que teñen o contacto máis cercano co cidadán”, dixo o presidente provincial, Manuel Baltar, na primera xunta directiva do ano, celebrada esta tarde na sede da formación popular.
Manuel Baltar sinalou que ao longo do ano e en próximas convocatorias abordaranse temas específicos e de interese para os concellos, “de tal xeito que os nosos representantes públicos podan informar e orientar á veciñanza”.
Desta volta, o tema elixido para esta convocatoria foi a asistencia sanitaria, para o cal na convocatoria de hoxe foi convidado o vocal do comité executivo do Partido Popular de Galicia, Jesús Vázquez Almuíña, que participou nun estenso debate sobre esta materia.