Noticias
Blog
Coa asistencia do presidente provincial do PP, Manuel Baltar, a Xunta Local do PP en Castro Caldelas elixiu por unanimidade a Manuel Lage Blanco como candidato á Alcaldía. Manuel Lage, quen xa preside a Xunta Local do partido, sinalou como obxectivo electoral "recuperar o goberno municipal". Pola súa banda, Manuel Baltar afirmou no acto de presentación que Castro Caldelas merece un cambio, necesita frenar a rutina socialista dun alcalde que pouco pode aportar como resultado da súa xestión durante décadas".
"Temos que loitar contra a despoboación e facer un concello ambicioso, cabeceira dunha comarca que precisa dunha urxente revitalización, que o socialismo amosou ser incapaz de conferirlle", explicou o candidato Manuel Lage.