Na xuntanza ordinaria do venres 22 de outubro, celebrada na sede provincial, o presidente do PP de Ourense deu a coñecer ao novo responsable do Distrito Primeiro (Centro) do PP na capital da provincia. Trátase de Miguel Abad Vila, membro do Comité Executivo Provincial e presidente da Comisión de Sanidade do PP de Ourense. Miguel Abad, médico de profesión, foi delegado provincial da Consellería de Sanidade da Xunta de Galicia, e, nas súas primeiras verbas á militancia, que recibíu cun fondo aplauso o seu nomeamento, fixo saber que designará un equipo de persoas e un plan de traballo co obxectivo claro de contribuir decisivamente á maioría absoluta necesaria para que Rosendo Fernández sexa o alcalde da nosa cidade nas eleccións municipais de maio de 2011.