A Comisión de Igualdade do PP de Ourense celebrou hoxe a súa primeira reunión tralo inicio do novo curso político, coa presenza do presidente provincial do PP, Manuel Baltar; do secretario provincial, Rosendo Fernández, e da coordinadora de Igualdade, María Antonia Rilo. Entre os temas que se trataron figuraron o preocupante repunte dos casos de violencia de xénero e a programación de actividades como conferencias, cursos, coloquios e debates que se levarán a cabo nos diferentes barrios da capital ourensá en nos concellos da provincia ao longo dos vindeiros meses, para concienciar á sociedade da importancia de desenvolver iniciativas educativas e de concienciación social no ámbito da igualdade.