Noticias
Blog
Roberto Bermúdez decide apoiar a Javier Dorado para a Presidencia de NNXX de Galicia
ppou - 20-Xullo-2010 - 21:05:33
Ourense, 20 de xullo de 2010.- Roberto Bermúdez, candidato á Presidencia de Novas Xeracións do PP de Galicia, apoiará a Javier Dorado para a Presidencia de NNXX de Galicia, renunciando así a presentar a súa candidatura, co obxectivo de que, tralo congreso, "a organización saia fortalecida, unida e preparada para afrontar os retos electorais do partido no futuro", afirmou.
Bermúdez tomou a decisión de renunciar a optar á Presidencia logo da reunión que ambos mantiveron a pasada semana e na que se expuxeron os seus proxectos e modelos organizativos e de xestión para Novas Xeracións de Galicia.
Roberto Bermúdez afirma que a decisión ven motivada polo convencemento de que o programa que presenta Javier Dorado "é coherente coas ideas e o plantexamento que o meu equipo e máis eu tiñamos para NNXX nos próximos anos", e engade que o máis importante "e que todos imos traballar unidos por un mesmo obxectivo, aunando esforzos e sumando ideas e proxectos, como só sabe facer o Partido Popular".
Bermúdez afirma que dende este instante ponse a disposición de Javier Dorado "co fin de que, tralo congreso, Novas Xeracións de Galicia siga crecendo e contribuíndo a facer máis grande ao Partido Popular".