A Xunta Directiva Provincial de Novas Xeracións do PP de Ourense proporá a candidatura do afiliado de NNXX de Ourense Roberto Bermúdez Piedra para o VIII Congreso de Novas Xeracións de Galicia, no que se elixirá o presidente e o equipo que dirixirá esta organización nos próximos anos. A reunión da Xunta Directiva estivo presidida por Roberto A. Toro, e á mesma asistíu o secretario provincial do PP de Ourense, Rosendo Fernández.
 
Esta proposta que fai NNXX de Ourense ten como obxectivo aunar esforzos e iniciativas, e poñer a disposición de Novas Xeracións do PPdeG un proxecto que contribúa a seguir impulsando as políticas que se fan dende e a prol da xuventude no Partido Popular de Galicia.