O secretario provincial do PP e candidato á Alcaldía de Ourense, Rosendo Fernández, visitou a sede da Federación de Asociacións de Veciños "Limiar" para coñecer as propostas e necesidades do movemento veciñal en Ourense. Rosendo Fernández dixo estar en plena sintonía coas necesidades dos colectivos veciñais, afirmando que as asociacións de veciños "son as que viven máis de cerca os problemas, as carencias e as reivindicacións dos cidadáns, e por elo sempre estaremos ao seu carón para tentar achegar solucións ás súas peticións, porque da súa man e coa súa participación activa melloraremos a nosa cidade de Ourense".