Noticias
Blog
Luis Menor dá voz á mocidade: “Novas Xeracións ten que asumir un papel protagonista no futuro do partido e da sociedade ourensá”
ppou - 04-Xaneiro-2024 - 12:27:25
• O líder provincial recoñeceu a súa satisfacción por atopar “un grupo de persoas con moita ilusión, gañas de traballar e interesantes achegas que contribuirán á primeira maioría absoluta para Alfonso Rueda”
• Menor adiantou que Novas Xeracións estará presente no comité de campaña do PP de Ourense “como representantes dunha mocidade inconformista, valente e que son quen de falar alto e claro fronte aos que pretenden impoñer unha forma de pensar uniforme”
4, xaneiro, 2024. O presidente da xestora provincial do Partido Popular, Luis Menor, mantivo un encontro cunha ampla representación de Novas Xeracións do PP de Ourense, encabezada polo presidente provincial da organización xuvenil, Ignacio Campo, e da xunta local, Manuel Alexandre Nóvoa, este último recentemente nomeado secretario xeral de NN.XX. de Galicia.
 |
Luis Menor emprazou a Novas Xeracións de Ourense a que “asuma un papel protagonista no futuro do PP e da sociedade ourensá”. Unha encomenda que baseou no feito de que “non só estades escribindo o futuro, senón que xa formades parte do noso presente”.
O presidente provincial, que pediu o máximo compromiso das mozas e mozos do PP para as eleccións autonómicas, recoñeceu ao remate da reunión a súa satisfacción por atopar “un grupo de persoas con moita ilusión, gañas de traballar e interesantes achegas que contribuirán sen ningún xénero de dúbida a conseguir a primeira maioría absoluta para Alfonso Rueda”.
Neste sentido, Menor adiantou que a mocidade de Novas Xeracións estará presente no comité de campaña do Partido Popular de Ourense “como representantes que son dunha mocidade inconformista, valente e que son quen de falar alto e claro fronte aos que pretenden impoñer unha forma de pensar uniforme”.