Noticias
Blog
Manuel Baltar, senador por designación autonómica: “Loitarei por Ourense e Galicia”
ppou - 28-Xullo-2023 - 18:41:48
28, xullo, 2023. O presidente provincial do PPdeOU, Manuel Baltar, foi elixido esta mañá no Parlamento de Galicia senador por designación autonómica, despois de ser proposto polo Grupo Parlamentario do Partido Popular.
 |
Manuel Baltar agradeceu a confianza do PPdeG e do seu presidente, Alfonso Rueda, e amosou o seu “orgullo e compromiso con esta designación”, lembrando que supón un “novo reto na miña carreira no servizo público”.
Despois da súa etapa no Parlamento de Galicia (2001-2012), e como presidente da Deputación de Ourense (2012-2023), o presidente provincial do PPdeOU avanzou que, agora no Senado, “loitarei por Ourense e Galicia, achegando a miña experiencia pública e aprendendo día a día”. Tamén insistiu na importancia de traballar para “facer efectivo o artículo 69 da Constitución e que realmente o Senado sexa unha Cámara de representación territorial”.
“Vamos ao Senado con toda a forza, con todas as gañas de aportar e con todas as gañas de facer un gran traballo”, sinalou Manuel Baltar, que foi elixido senador por designación autonómica xunto ao alcalde de Ferrol, o popular José Manuel Rey Varela, e Carme da Silva, concelleira nacionalista en Pontevedra.