Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Os deputados populares por Ourense e Pontevedra instan novamente ao Ministerio de Transportes á urxente reparación do túnel do Folgoso na A-52

Imprimir ppou - 06-Abril-2021 - 10:04:35 


• “Non parece xustificable que nun país, líder mundial en construción de infraestruturas, non sexa posible traballar con maior intensidade e aplicar máis medios humanos, materiais, tecnolóxicos e orzamentarios para resolver unha situación de emerxencia como a que se vive pola interrupción da circulación por unha vía estratéxica”, afirma o deputado Celso Delgado.

• “É imprescindible que o ministerio, a Demarcación de Estradas do Estado en Galicia e o novo delegado do Goberno en Galicia asuman a súa responsabilidade en asegurar con urxencia a mobilidade segura dos miles de usuarios desta autovía”, din os deputados.

A Cañiza, 3 de abril de 2021.

Os deputados populares polas provincias de Ourense e Pontevedra, Celso Delgado, Ana Pastor, Diego Calvo e Juan Constenla, visitaron hoxe a localidade pontevedresa da Cañiza na compaña do portavoz municipal do PP, Miguel Domínguez, e concelleiros do seu grupo, para coñecer a situación do tráfico na N-120 ao seu paso polo centro deste núcleo e as afectacións que xeran polo peche do túnel de O Folgoso. A circulación era moi intensa e lenta e sobre todo de camións de gran tonelaxe e de transportes especiais. A deterioración do firme como consecuencia do volume de tráfico soportado era moi evidente e a alteración da vida cotiá na Cañiza patente, por ruídos, contaminación, vibracións, etc. 

  
  
A orixe desta situación está no incendio que o pasado 25 de xaneiro sufriu un camión no interior do túnel, en sentido Ourense,provocando graves danos na infraestrutura. Como consecuencia, o tráfico da A-52 en sentido Madrid fose desviado durante 23 quilómetros a través das estradas nacionais N-559 e N-120, o que representa un incremento dos tempos de viaxe de entre 20 e 30 minutos por desprazamento. Un percorrido por un tramo nun mal estado onde a velocidade media non supera o 60 quilómetros por hora, con numerosos cruces e en tramo urbano, ademais da presenza frecuente de néboa na zona e mesmo de animais. 

Como denuncian os empresarios, centos de camións vense atrapados a diario sen alternativa. Os parcheos realizados sobre o pavimento deterióranse moi rapidamente pola intensidade do tráfico e abundan as picadas e danos nas rodas dos vehículos.

Esta grave situación está a ter un efecto moi negativo nas provincias de Pontevedra e de Ourense, afectando á competitividade do sur de Galicia e incidindo moi seriamente no sector de transporte de mercadorías, pois a A-52 é a arteria principal de saída de mercadorías cara a Meseta, ademais de prexudicar ao día a día de múltiples usuarios que utilizaban esta infraestrutura para acudir ao traballo ou para acceder a servizos básicos como a sanidade ou a educación.

Hai que destacar que a autovía das Rías Baixas rexistra en condicións normais un tráfico medio de 16.460 vehículos ao día, intensidade que hoxe viuse reducida polas restricións derivadas da crise sanitaria e a contención da pandemia. 

Os deputados pontevedreses e ourensáns do Partido Popular xa promoveron no mes de febreiro varias iniciativas parlamentarias instando ao Goberno a resolver o máis axiña posible a grave situación xerada polo peche dun dos túneles de O Folgoso, demandando ao Ministerio de Transportes, Mobilidade e Axenda Urbana ( MITMA) a adoptar as medidas de emerxencia que correspondan para ofrecer unha resposta rápida, restablecer a circulación canto antes e evitar o impacto económico e social que se está vivindo no sur de Galicia. O propio Goberno en resposta escrita aos deputados, de data 16 de marzo, avanzaba que”a reapertura podería efectuarse no próximo mes de maio, salvo incidencias que puidesen sobrevir ata entón”

A xuízo dos deputados populares, esta resposta é moi insatisfactoria debido a que "non parece xustificable que nun país que é líder mundial en construción de infraestruturas, non sexa posible traballar con maior intensidade e aplicar máis medios humanos, materiais, tecnolóxicos e orzamentarios para resolver unha situación de emerxencia como a que se vive pola interrupción da circulación por unha vía estratéxica". "É imprescindible -engadiron- que o ministerio, a Demarcación de Estradas do Estado en Galicia e o novo delegado do Goberno en Galicia asuman a súa responsabilidade en asegurar con urxencia a mobilidade segura dos miles de usuarios desta autovía.

Os deputados, que xa rexistraron a comparecencia no Congreso do secretario de Estado de Transportes, Mobilidade e Axenda Urbana, seguirán insistindo a través de accións parlamentarias para conseguir que este “pesadelo” finalice canto antes.


(0)  Comentarios

Se desexa escribir comentarios pode crear unha conta aquí. aquí.

Suscíbete:
Redes Sociales: