Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 O Parlamento galego demanda ao Goberno central o mantemento das salas do 091 da Policía Nacional en Lugo e Ourense

Imprimir ppou - 31-Marzo-2021 - 17:27:22 


• “Esta decisión se toma unicamente en base a criterios económicos e supón un novo agravio do Goberno de España a Galicia”, dixo a deputada popular Noelia Pérez

Santiago, 31 de marzo de 2021.-  O Parlamento de Galicia aprobou hoxe a proposición non de lei do Grupo Popular, que non contou co voto favorable dos deputados do PSdeG, a través da que se demanda ao Goberno de España que manteñan as salas do 091 da Policía Nacional nas Comisarías de Ourense e Lugo, así como aumentar os medios humanos e materiais cos que contan estas comisarías provinciais. “Esta decisión se toma unicamente en base a criterios económicos e supón un novo agravio do Goberno central aos moitos que estamos a soportar os galegos desde hai un tempo”, sinalou a deputada popular Noelia Pérez.

Na súa intervención, a deputada popular lembrou que este corpo de seguridade “é un servizo público que contribúe ao benestar e á calidade de vida das persoas, e que ten asignadas, entre outras funcións, o coidado do libre exercicio dos dereitos dos cidadáns, a persecución de delitos e o mantemento da orde pública”. 

SERVIZOS EQUITATIVOS E EQUILIBRADOS

“Os servizos de Policía Nacional teñen que ser prestados de xeito equitativo e equilibrado en todo o territorio galego, e deben atender, sempre que a natureza do servizo o permita, a criterios de descentralización, de xeito que se leven a cabo de modo preferente polos órganos administrativos máis próximos á cidadanía”, indicou.

Noelia Pérez engadiu que “a día de hoxe os axentes que atenden esa sala probablemente teñan menos coñecemento das cidades do que tiñan os axentes que a atendían hai 15 días, sinxelamente porque non son as súas cidades”. “Pérdese a proximidade cos cidadáns e pérdese o coñecemento do rueiro”, apuntou.

A deputada popular avanzou que “imos repetir ata a saciedade que a estandarización e a centralización restan eficiencia e proximidade na urxencia real e nos servizos propios da Policía” e salientou que “a Policía Nacional é unha peza clave do Estado de Dereito, que presta un servizo público que da seguridade e contribúe ao benestar e á calidade de vida das persoas”. 

“Levamos un ano convivindo cunha situación extraordinaria de pandemia mundial e atopámonos en medio dun Ano Santo, que continuará ao longo de 2022, pero ao Goberno de España lle parece o momento adecuado para desmantelar as comisarías de dúas das principais cidades galegas”, lamentou.

ESPERAR SENTADOS POLO GOBERNO CENTRAL

Para rematar, Noelia Pérez afirmou que o Goberno central “antepón criterios económicos á seguridade de veciños, de turistas e peregrinos”, porque “non é só o desmantelamento das comisarías de Lugo e Ourense, senón que a isto súmase que a unidade de policía adscrita á Xunta de Galicia ten unha merma de 113 axentes, en niveis do ano 2003 a pesar de ter máis competencias e funcións na actualidade”. 

“Podemos esperar sentados pola resposta do Goberno central a estas demandas”, dixo a deputada popular, porque “nos orzamentos xerais do Estado deste ano hai cero euros para incrementar efectivos policiais en Galicia, o reforzo das comisarías de Policía das cidades e as comandancias da Garda Civil nos pobos, ou partidas específicas para a celebración do Xacobeo 2021-22”.


(0)  Comentarios

Se desexa escribir comentarios pode crear unha conta aquí. aquí.

Suscíbete:
Redes Sociales: