Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Eleccións galegas 12J: Manuel Baltar defende a forza dos populares ourensáns na procura “dun novo goberno de Feijóo que nos leve á reactivación económica e social”

Imprimir ppou - 28-Xuño-2020 - 18:30:00 



• Na praza de touros de Pontevedra, logo do mitin do PPdeG no que tamén participaron Pablo Casado e Mariano Rajoy, o  presidente provincial do PP afirmou que “os homes e mulleres que asumen a responsabilidade de seguir a loitar por Galicia desde Ourense e a dirección provincial representamos aquí a forza dos populares ourensáns, que como ningún outro partido facemos un exercicio de total transparencia fixándonos ante a sociedade o obxectivo de conseguir nove escanos e contribuír a unha cuarta maioría absoluta de Feijóo”.

• En Allariz e Maside, subliñou que onde goberna o PP de Ourense, como na Deputación, “vimos que a verdadeira prioridade está nas persoas, na súa saúde e na reactivación económica e social, e mentres nos facemos outros falan e se atraven a dicir que a unidade salva vidas, empresas e emprego, cando demostran o seu egoísmo electoralista boicoteando as axudas  para autónomos e pemes”.

27, xuño, 2020. O presidente provincial do Partido Popular, Manuel Baltar, defendeu hoxe a forza dos populares ourensáns na procura “dun novo goberno de Feijóo que nos leve á recuperación económica e social”. Baltar fixo estas declaracións ao remate do mitin celebrado esta mañá na praza de touros de Pontevedra, onde participaron o presidente do PPdeG e candidato á relección á presidencia da Xunta, Alberto Núñez Feijóo, o presidente nacional do PP, Pablo Casado, e o presidente de honra do PPdeG, Mariano Rajoy.

  
  
A candidatura popular ourensá tamén acudiu a unha convocatoria de especiais características, posto que só puideron participar ao redor de 300 persoas, dado o estricto protocolo de seguridade e hixiene que o PP estableceu para os actos desta campaña electoral. Un feito que levou a Manuel Baltar a lembrar o 10 de setembro de hai catro anos, cando máis de 12.000 persoas encheron o recinto taurino “para dicirlle si por terceira vez a Feijóo”.

“Hoxe, os homes e mulleres que asumen a responsabilidade de seguir a loitar por Galicia desde Ourense e a dirección provincial representamos aquí a forza dos populares ourensáns, que como ningún outro partido facemos un exercicio de total transparencia fixándonos ante a sociedade o obxectivo de conseguir nove escanos e contribuír a unha cuarta maioría absoluta de Feijóo”.

Xa en Allariz e Maside, onde o PP de Ourense celebrou pola tarde senllos mitines coa presenza de Francisco Conde, o presidente dos populares ourensáns lembrou que agora, máis aló da política, “a verdadeira prioridade está nas persoas, na súa saúde e na reactivación económica e social, para o que necesitamos un goberno con plena capacidade de acción, sen ter que perder o tempo en negociar cesións e concesións con outros partidos dos que descoñecemos o seu programa e só sabemos da súa ansia de poder”.

O PP de Ourense, engadiu, demostrou alí onde goberna, “como na Deputación, que xa hai meses que soubo entender cales ían ser as prioridades como consecuencia da pandemia, poñendo o foco no ámbito social e nos autónomos e pemes”. “Mentres nos facemos, outros falan e se atraven a dicir que a unidade salva vidas, empresas e emprego, cando demostran o seu egoísmo electoralista boicoteando as axudas  para autónomos e pemes”.

En Allariz, o número cinco da candidatura por Ourense, Antonio Rodríguez Miranda, puxo o énfase na Galicia do exterior, sinalando que só durante o pasado ano chegaron á provincia máis de 2.400 persoas, “grazas aos programas de retorno do goberno galego e á cooperación da Xunta para facer de Ourense un lugar de oportunidades”.

En Maside, o número tres da lista popular, José González, quen subliñou o esforzo realizado nestes catro anos para transformar o campo ourensá, con iniciativas como as preto dunha ducia de aldeas modelo na provincia, para a recuperación produtiva de terras, ou o proxecto de polígono agrario en Arnoia.


Suscíbete:
Redes Sociales: