Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Manuel Baltar pide á dirección nacional popular que reclame “o debido protagonismo das entidades locais na saída desta crise”

Imprimir ppou - 26-Abril-2020 - 21:54:26 


• Nunha videoconferencia co presidente do PP, Pablo Casado, o presidente provincial apostou por unha decidida defensa da política provincial fronte a un Goberno “que non coordina, non achega, non axuda e só decepciona”, destacando que o Partido Popular está chamado a xogar un dobre papel neste momento, “sendo espello de xestión alá onde goberne, pero tamén exemplo de oposición e exercela con lealdade”.

26, abril, 2020.

O presidente provincial do Partido Popular, Manuel Baltar, pediu hoxe á dirección nacional do PP que reclame “o debido protagonismo das entidades locais na saída desta crise sanitaria e económica”, cunha decidida defensa da política provincial fronte a un goberno “que non coordina, non achega, non axuda e só decepciona”. Manuel Baltar trasladou esta petición durante a súa intervención na reunión que, por videoconferencia, mantivo o presidente nacional, Pablo Casado, cos presidentes provinciais populares e na que tamén participaron o secretario e vicesecretario xeral,  Teodoro García  Egea e Antonio González  Terol, respectivamente.

  
  
O presidente dos populares ourensáns lembrou que o PP nacional xa deu os primeiros pasos para a defensa das entidades locais, incorporando á estrutura do partido unha secretaría de política provincial “que entende que as provincias non só son circunscricións electorais e que realizan un traballo moi importante apoiando aos concellos e os seus habitantes”.

Para Manuel Baltar, o Partido Popular está chamado a xogar un dobre papel neste momento, “sendo espello de xestión alá onde goberne, sexan concellos, deputacións ou comunidades autónomas, pero tamén exemplo de oposición e exercela con lealdade”.

Desgraciadamente, lamentou, a realidade reflicte que hai dúas formas de traballar e dous modelos, poñendo como exemplo a provincia de Ourense. Por unha banda, dixo, “poñémonos ao dispor do Posto de Mando Avanzado da Xunta de Galicia, achegando medios materiais e recursos humanos, e por outro nos topamos coa Subdelegación do Goberno e a Delegación do Goberno en Galicia que non teñen presenza algunha, non propoñen medidas e moito menos coordinan as actuacións das demais administracións”.

En Ourense, explicou, desde a declaración do estado de alarma “adoptamos a través da Deputación un amplo paquete de medidas, en especial de carácter social con axudas directas a quen sofre as consecuencias desta excepcional situación, ademais de constituír o Comité do Día Despois, para deseñar iniciativas que axuden á recuperación económica e ao emprego, contando para iso con empresarios, autónomos e entidades financeiras, entre outros colectivos e entidades”.
 
DECEPCIÓN “EN MAIÚSCULAS” CO GOBERNO

Agora que se aveciña a ansiada  desescalada, engadiu, “as entidades locais temos que achegar as nosas ideas e propostas, pero nin se nos pediron nin creo que desde o Goberno estean en condicións de organizar nin coordinar nada”.

Non é unha opinión, subliñou Manuel Baltar, “senón unha constatación, onde a decepción é unha palabra que esta semana se escribe con maiúsculas”, despois de participar en dúas videoconferencias con membros do Goberno central. Primeiro con Pedro Sánchez, “ao que tiven a oportunidade de pedirlle máis coordinación, máis axudas e menos propaganda”, e logo con tres ministros –a cuarta vicepresidenta e ministra para a Transición Ecolóxica e Reto Demográfico, Teresa Ribeira; Sanidade, Salvador  Illa, e Política Territorial, Carolina  Darias- “aínda que todavía hoxe non se para que, pois nin había orde do día, nin datos, protocolos, previsións e moito menos  conclusións; é para asustarse ver en que mans atopámonos”.

O presidente provincial do PP de Ourense, concluíu a súa intervención felicitando á dirección nacional popular polo seu traballo, “que permite trasladar á cidadanía a mensaxe de que hai unha alternativa de goberno á situación caótica que está a demostrar Sánchez e o executivo socialista-comunista”.


Suscíbete:
Redes Sociales: