Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Pablo Pérez, reelixido membro do comité executivo da FEGAMP para o mandato 2019-2023

Imprimir ppou - 30-Novembro-2019 - 14:44:37 


• No consello federal desta entidade, do que tamén forma parte, estará acompañado polas alcaldesas de Oímbra e Boborás, Ana Villarino e Patricia Torres, e o rexedor de Maceda.

• Pérez agarda “catro anos de fructífero traballo para unha entidade que debe garantir a representación de todos os municipios e provincias, con independencia da cor política dos seus gobernos, e sen iniciativas partidistas e de inxerencia na autonomía local como ás que asistimos no anterior mandato”.

30, novembro, 2019.

Pablo Pérez foi reelixido como membro do comité executivo da Federación Galega de Municipios e Provincias (FEGAMP), no decurso da décima asemblea xeral celebrada en Santiago de Compostela e na que se constituíron os órganos directivos desta entidade para o novo mandato.

  
  
Pablo Pérez, deputado provincial, concelleiro en Quintela de Leirado e secretario de organización do PP ourensán, será un dos 17 membros que integran o comité executivo, formando parte tamén do consello federal, entre cuxos 55 membros hai outros tres representantes populares máis da provincia: Ana Villarino, alcaldesa de Oímbra; Patricia Torres, alcaldesa de Boborás –ambas as dúas deputadas provinciais-; e Ruben Quintas, alcalde de Maceda.
 
Pérez, que agradeceu esta nova oportunidade para representar aos concellos ourensáns, valorou positivamente o traballo desenvolvido durante o anterior mandato, “no que defendimos os intereses dos concellos da provincia a través de diversas iniciativas e propostas, ademais de facilitar información puntual para que os nosos representantes municipais puidesen aportar as súas suxestións ás iniciativas lexislativas da Xunta de Galicia”.  

Para este novo mandato, Pablo Pérez puxo o énfase na necesidade de traballar pola mellora do financiamento das administracións locais –concellos e deputacións-, “pero tamén para achegarnos ao necesario reequilibrio terriorial entre a Galicia do litoral e a do interior”.  Agarda, engadiu, “catro anos de fructífero traballo para unha entidade que debe garantir a representación de todos os municipios e provincias, con independencia da cor política dos seus gobernos, e sen iniciativas partidistas e de inxerencia na autonomía local como ás que asistimos no anterior mandato”.

Precisamente a defensa da autonomía municipal e provincial é un dos piares da FEGAMP, na que están representados os 313 municipios galegos e as catro deputacións provinciais e que renova os seus órganos de goberno cada catro anos, logo das eleccións municipais.

A representación popular na FEGAMP únese á reelección, o pasado mes de setembro, do presidente da Diputación de Ourense e presidente do provincial do PP, Manuel Baltar, como membro da xunta de goberno da Federación Española de Municipios e Provincias (FEMP).

Baltar, un dos dez vocais do PP dentro dos vinte e cinco que forman a directiva do máximo órgano de poder local de España, é o único presidente dunha diputación, xunto á de Palencia, que está presente na xunta de goberno. 


Suscíbete:
Redes Sociales: