Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 O PP esixe a demisión do alcalde de Laza tralo despido dun traballador municipal que a xustiza cualifica como “discriminación por ideas políticas”

Imprimir ppou - 28-Outubro-2019 - 15:55:12 


• A cualificación destes feitos, que o xuíz non dubida que teñen “motivación política” foi denunciada con contudencia polo secretario xeral do Partido Popular ourensán, Rosendo Fernández, para quen “aínda é máis grave tendo en conta que o alcalde do PSOE foi director do Instituto Nacional da Seguridade Social en Ourense, onde se supón debería ter aprendido a valorar os dereitos dos traballadores, e máis aún a lexitimidade da súa orientación política”

• O portavoz popular en Laza, José Ramón Barreal, denuncia tamén que houbo outros  tres xuízos máis nos xulgados do Social nos que outros tantos traballadores solicitaban a fixeza, ambos os tres perdidos polo Concello, e que aínda ten outra causa pendente por acoso laboral a unha traballadora.

28, outubro, 2019.

Unha sentenza do xulgado do Social número 4 de Ourense cualifica como “discriminación por ideas políticas” o despido dun traballador do Concello de Laza e ex edil do Partido Popular, César González González, ao que lle foi comunicada a extinción do seu contrato 13 días despois da chegada á alcaldía do socialista Jesús Blanco. A cualificación destes feitos, que o xuíz non dubida que teñen “motivación política” foi denunciada con contudencia polo secretario xeral do Partido popular de Ourense, Rosendo Fernández, para quen “aínda é máis grave tendo en conta que o alcalde do PSOE –que goberna en coalición con En Marea X Laza- foi director do Instituto Nacional da Seguridade Social en Ourense, onde se supón debería ter aprendido a valorar os dereitos dos traballadores, e máis aún a lexitimidade da súa orientación política”.

 “Comparte el juzgador el criterio del ministerio fiscal considerando que existe vulneración de los artículos 14 y 16 de la Constitución Española, discriminación por ideas políticas, pues ha sido suficientemente acreditado que el actor era notoriamente militante –o simpatizante- de la fuerza política contraria a la que gobierna en el Concello y que el despido se produjo precisamente con el cambio de gobierno”. Así sinala textualmente o fallo do xulgado do social número 4 de Ourense, que condea ao Concello de Laza á readmisión do traballador, co abono dos salarios non percibidos e ao pagamento dunha indemnización de 1.500 euros.

O portavoz do Partido Popular en Laza e alcalde ata a o pasado mandato, José Ramón Barreal, explicou que o despido do traballador foi “unha decisión persoal do alcalde, pero consensuada cos seus socios de goberno, sen ningún informe dos servizos xurídicos municipais nin externos”.

O día 28 de xuño, un mes despois das eleccións municipais, e nun breve escrito de doce líneas, o alcalde socialista comunicáballe ao empregado a extinción do contrato, vixente desde 2012, impoñéndole  o desfrute de vacaciones entre o 1 e o 15 de xullo, día no que cesaría na súa actividade como albañel.

O portavoz popular sinalou que o seu grupo tratou de arranxar esta situación no pleno celebrado o 11 de xullo, “ao que se opuxo a maioría conformada por socialistas e concelleiros de En Marea, dicindo que a decisión era firme e non tiña marcha atrás, pese a que lles advertimos do erro e dos gastos que lle iba a ocasionar ao concello”.

José Ramón Barreal afirmou que “estamos ante unha clarísima vinganza política, cunha persoa que lle dedicou moitas horas á veciñanza como concelleiro durante tres mandatos, entre 1987 e 2011, e que levaba oito anos e medio de traballo exemplar para o concello, recoñecido ademais polos seus veciños”.

Denuncia o portavoz popular en Laza que o custo “desta decisión arbitraria” é de 10.563 euros, polo pagamento dos salarios atrasados, a Seguridade Social, as vacacións -considera o maxistrado que as disfrutou pero sin a súa conformidade- e a indemnización fixada na sentenza, “diñeiro que sairá das arcas arcas do concello e dos petos dos veciños”. Ademais, indicou Barreal, a este custo hai que sumar os honorarios do avogado que representou ao Concello, “feito que tamén reprobamos xa que cando os concellos teñen que defender pleitos solicitan asistencia letrada á Deputación, que a facilita de forma gratuíta”.

A todo esto, denunciou tamén o portavoz popular, hai que engadir que ata o momento xa se celebraron tres xuízos máis nos xulgados do Social de Ourense nos que outros tantos traballadores solicitaban a fixeza, ambos os tres perdidos polo Concello pero recurridos polo alcalde ante o Tribunal Superior de Xustiza de Galicia. Aínda ten ademais outra causa pendente por acoso laboral a unha traballadora.

ACTITUDES QUE NON TEÑEN CABIDA NUNHA DEMOCRACIA. 

“Unha sentenza tan clara, na que o maxistrado di textualmente que o despido do traballador tivo motivacións políticas, é unha razón de peso suficiente para esixir a demisión inmediata do alcalde socialista, tendo en conta ademais que presumía de ter sido director do INSS en Ourense, onde debería ter aprendido a valorar os dereitos dos traballadores”. 

O secretario xeral do Partido Popular de Ourense valorou así este fallo, reclamando ao partido socialista que tome as medidas necesarias para que “este alcalde sexa apartado do seu posto e da política, pois actitudes como esta non teñen cabida nunha democracia moderna”.




Suscíbete:
Redes Sociales: