Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Precampaña Eleccións Xerais 10N: O PP pedirá máis fondos á Unión Europea e ao Goberno central para incluír a mellora das comunicacións entre a Baixa Limia e Portugal

Imprimir ppou - 21-Outubro-2019 - 18:00:48 


• Nunha visita a Lobios, os candidatos populares recordaron a especial sensibilidade que o PP tivo sempre co desenvolvemento das rexións transfronteirizas, engandido que “non podemos seguir dando as costas ao potencial que supón no ámbito económico e turístico unha poboación dun millón de persoas, como a que habita no norte do país veciño”. 

21, outubro, 2019.

O Partido Popular loitará por conseguir os fondos europeos e da administración central necesarios para a mellora das comunicacións entre a comarca da Baixa Limia e o norte de Portugal, facilitando así o desenvolvemento dunha rexión transfronteiriza cun enorme potencial. Así o destacaron os candidatos do PP pola provincia de Ourense ao Congreso, Ana Vázquez e Celso Delgado- e ao Senado –Miguel Ángel Viso e Carmen Leyte, durante a visita que hoxe realizaron a Lobios e na que estiveron acompañados polos representantes populares municipais deste concello, ademais de Bande, Muíños e Lobeira.

  
  
Os candidatos foron informados en detalle sobre as actuacións realizadas e previstas no marco do programa Raia Termal, que botou a andar en xuño de 2017 e cuxo ámbito de actuación abrangue as zonas transfronteirizas do río Miño (Cortegada e Melgaço) e do río Limia (Lobios, Bande, Muíños e Terras do Bouro), ademais da participación da Deputación de Ourense e a Confederación Hidrogáfica do Miño-Sil. Unha iniciativa que conta cun orzamento de máis de 2,6 millóns de euros, financiados ao 75 % polo fondos Feder e que ten como obxectivo valorizar e potenciar os recursos termais deste espazo.

Para os representantes populares, aínda que compre destacar o importante adianto nas accións previstas para a primeira fase deste proxecto, é imprescindible seguir loitando pola consecución de máis fondos europeos, nun momento que ademais é fundamental logo da incorporación a estas axudas da perspectiva demográfica.
Neste contexto, e logo de subliñar o seguemento que os deputados e senadores estiveron a realizar na pasada lexislatura sobre o programa Raia Termal a través da presentación de distintas iniciativas, os candidatos expresaron a necesidade de mellorar as comunicacións con Portugal –aspecto no que inclúen ao Concello de Lobeira- “porque non podemos seguir dando as costas ao potencial que supón no ámbito económico e turístico unha poboación dun millón de persoas, como a que habita no norte do país veciño”. Unha demanda na que, afirmaron, contan co total apoio dos presidentes das cámaras municipais lusas implicadas.

O Partido Popular, engadiron, ven de demostrar de lonxe a súa especial sensibilidade co desenvolvemento das rexións transfronteirizas, como impulsora de proxectos como o da Raia Termal, polo que os candidatos anunciaron que seguirán a apoiar novas solicitudes de proxectos e a máxima implicación das administración, cunha mención especial á necesaria colaboración da Confederación Hidrográfica Miño-Sil.
 
REUNIÓN DAS AGRUPACIÓNS LOCAIS DA XUNTA ELECTORAL DE ZONA DE RIBADAVIA.

  
  
A actividade do Partido Popular de Ourense tamén tivo hoxe como escenario a vila de Ribadavia, onde se deron cita os representantes das agrupacións locais dos concellos de Arnoia, Avión, Beade, Carballeda de Avia, Castrelo de Miño, Cenlle, Leiro, Melón e a propia Ribadavia.

Unha xuntanza que serviu para perfilar a axenda de traballo da formación popular de cara ás eleccións xerais do 10 de novembro e na que o secretario xeral do PP ourensán, Rosendo Fernández, recordou que o PP sempre foi a forza con maior apoio electoral na provincia, “e esta nova cita coas urnas ten que servir para demostrar que aínda temos percorrido para seguir crecendo, animando aos cidadáns  a que convirtan contribúan a crear o escenario propicio para conseguir unha etapa de normalidade e estabilidade política”.


Suscíbete:
Redes Sociales: