Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 O PP impulsa unha iniciativa para esixir ao Goberno que remate co bloqueo dos recursos financeiros de concellos e deputacións

Imprimir ppou - 10-Septembro-2019 - 17:25:10 


• O portavoz popular, Plácido Álvarez, afirma que con esta iniciativa “se pretende poñer de manifesto as enormes tensións financeiras que están a sufrir as administracións locais e autonómicas, cuxas consecuencias acabarán por sufrir os cidadáns”.

Ourense, 10, setembro, 2019.- O grupo provincial popular ven de rexistrar hoxe unha moción para o seu debate no pleno de setembro na que esixe ao Goberno en funcións que remate co bloqueo dos recursos financeiros de concellos e deputacións, referendando así o acordo adoptado o pasado día 5 pola Xunta de Goberno da institución provincial. Unha iniciativa que segundo o portavoz popular, Plácido Álvarez, “pretende poñer de manifesto as enormes tensións financeiras que están a sufrir as administracións locais e autonómicas, cuxas consecuencias acabarán por sufrir os cidadáns”.

Álvarez rexeita a actitude dun goberno “que xustifica este bloqueo nas limitacións dun executivo en funcións, pero que non dubida en aprobar reais decretos que supuxeron rachar co teito de gasto e maila estabilidade financeira”. Deste xeito, afirma, incumpriu as súas obrigas para a transferencia ás comunidades autónomas dos recursos derivados da participación dos ingresos do Estado, así como do resto de recursos que lles corresponden ás entidades locais.

O libramento desta débeda, engade o portavoz do grupo provincial popular “é unha cuestión de urxencia pois están en risco os servizos públicos e sociais, que non están en funcións”.

O acordo que os populares presentarán ao pleno inclúe cinco puntos que se corresponden cos aprobados pola Xunta de Goberno de Deputación. Así, instan ao Goberno do Estado a instrumentar de xeito inmediato un crédito non retribuído coas comunidades autónomas e que estas reciban canto antes os anticipos a conta que lles corresponden.
Ademais de esixir que se remate co bloqueo ás administración locais, tamén se solicita que se avalíe o impacto destes impagos, que se compensen os 2.496 millóns de euros de desfase do IVE e se convoque urxentemente o Consello de Política Fiscal e Financeira para buscar unha solución definitiva a este tipo de situacións.

Centrando a problemática na provincia, o grupo popular pide que se dea a coñecer o impacto ocasionado nas entidades locais da provincia; as cantidades pendentes de librar por Facenda a cada un dos concellos ourensáns; e que se explique cando e de que modo vai cubrir o Goberno o esforzo orzamentario que están a facer as administracións locais para atender o incremento das retribucións dos empregados públicos.



Suscíbete:
Redes Sociales: