Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Eleccións Locais 2019: José Antonio Feijoó aspira a un cuarto mandato en Baltar para seguir traballando “coa axuda dos veciños”

Imprimir ppou - 10-Marzo-2019 - 13:22:51 


• O presidente provincial, Manuel Baltar, subliñou a positiva actitude do candidato, “fonte de proxectos que nunca se esgota, que contaxia e dinamiza á poboación, polo que desde a dirección do PP estamos seguros que volverá a ter a confianza dos seus”.

10, marzo, 2019.

  
  
José Antonio Feijoó Alonso (Baltar, 1951) encabezará a lista que o Partido Popular presentará en Baltar nas próximas eleccións locais, “para seguir traballando polo concello con toda a ilusión e a imprescindible axuda da veciñanza”. Unha positiva actitude, dixo o presidente provincial, Manuel Baltar, “que contaxia e dinamiza á poboación, polo que desde a dirección do PP estamos seguros que volverá a ter a confianza dos seus”.

Cunha dilatada experiencia na política municipal que se remonta á súa mocidade, José Antonio Feijoó aspira a un cuarto mandato á fronte do goberno local de Baltar, onde chegou hai doce anos  “nunhas eleccións nas que gañamos contra todo prognóstico a outros catro partidos, incrementando a maioría nos seguintes dous mandatos”.

Feijoó, consciente de que “un alcalde debe ser o máis humilde dos veciños, porque sin eles non seríamos nada”, repasa o tempo transcorrido desde entón e afirma que as maiorías obtidas “axudáronnos a traballar con moita ilusión para dotar dos mellores servizos á poboación”, sinalando que malia aos anos de crise foron quen de reformar a Casa da Cultura e a Casa do Concello, construír o pavillón deportivo, as piscinas, urbanizar prazas públicas e acondicionar vías de comunicación, destacando entre elas a travesía de Baltar.

Agora, di o candidato, “é tempo de seguir a devolver a confianza dos nosos completando e renovando servizos, dinamizando o concello con máis actividades culturais e humanizando máis prazas para que ningún pobo se quede sen un lugar público axeitado”. Con todo, engade como obxectivos prioritarios unha residencia para a terceira idade, rematar o acondicionamento dos accesos á área de parapente, “referente deportivo na provincia e Galicia”,e un área industrial coa que crear emprego “que estaría moi ben situada, preto da fronteira con Portugal e da autovía”.

O espírito positivo co que José Antonio Feijoó e o seu equipo afrontan este novo reto “é toda unha garantía para obter unha victoria electoral máis”, dixo entre tanto o presidente provincial, Manuel Baltar, que non deixou pasar a ocasión de lembrar a súa bagaxe política “como alcalde que foi tamén do Concello de Xinzo e a súa condición de deputado provincial”.

O candidato, sinalou Manuel Baltar, é unha fonte de proxectos que nunca se esgota, como así se reflicte nas propostas que presentará aos seus veciños cara un próximo mandato, que exercerá coa mesma ilusión que a primeira vez que chegou á política local”.



















Suscíbete:
Redes Sociales: