Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Eleccións Locais 2019: José Antonio Pérez defenderá de novo o proxecto popular en Quintela de Leirado

Imprimir ppou - 22-Febreiro-2019 - 23:02:44 


• O xeito de entender a xestión local, mirando tamén aos concellos limítrofes,“converteu ao candidato nun eficaz alcalde e presidente da mancomunidade Terras de Celanova desde hai moitos anos”, dixo o presidente provincial, Manuel Baltar.

24, febreiro, 2019.

  
  
José Antonio Pérez Cortés (Quintela de Leirado, 1947) voltará a encabezar a lista que o Partido Popular presentará ás próximas eleccións de maio en Quintela de Leirado, coa vista posta “nun dos proxectos máis importantes que pode ter calquera concello, como é manter a poboación”.  Na presentación do candidato, o presidente provincial, Manuel Baltar, incidiu neste aspecto, cualificando a José Antonio Pérez como “unha persoa sumamente identificada coas cuestión sociais”. 

Pérez Cortés é a día de hoxe un dos alcaldes da provincia con máis experiencia á fronte dun concello. Máis de corenta anos que lle levan a lembrar “como foron cambiando as cousas, desde cando apenas había nada a todos os servizos e infraestruturas que executamos e puxemos en marcha”. Un traballo que lle enche de satisfacción “aínda que sempre haberá cousas por facer”. Na actualidade, di o candidato, “conseguimos situar ao concello onde cremos que debería estar, con máis e mellores servizos para a veciñanza e contando sempre coa colaboración das administracións provincial e autonómica”. 

Non obstante, a prioridade que ten o candidato e o seu equipo é manter a poboación e procurar a incorporación de xente moza. Con este fin “puxemos en marcha unha bolsa de aluguer de vivenda e cara un próximo mandato estamos a preparar un programa de recuperación de vivendas nos pobos, tamén destinadas o aluguer”.

Aínda hai outros proxectos, “como o edificio multiusos que acollerá un auditorio, o ximnasio, o museo da emigración a Guinea e locais para as asociacións veciñais e culturais”, sen esquecer a mellora das vías de comunicación, de xeito especial a estrada que une os dous núcleos de poboación máis grandes do concello, Quintela e Leirado.

Sempre con maiorías absolutas, José Antonio Pérez “conta co apoio da veciñanza porque en todo este tempo viron que tiñan un equipo sólido e ao que lle gusta traballar polos seus”, dixo pola súa banda o presidente provincial do PP, Manuel Baltar. Quintela de Leirado, afirmou, “non podía levar a ningún candidato mellor, pola súa humildade e cercanía aos veciños, que tamén poden presumir de ter un dos mellores alcaldes, identificado plenamente coas necesidades sociais, con ofrecer alternativas culturais e impulsar ámbitos como o turismo, aproveitando a súa proximidade a Celanova”.

Este xeito de entender a xestión local, mirando tamén aos concellos limítrofes, “é o que convirte á Pérez nun eficaz presidente da mancomunidade Terras de Celanova desde hai moitos anos”, engadiu Baltar, que destacou ademais a súa capacidade “para presentar do xeito más adecuado ás administracións os proxectos para o concello e a comarca”.


Suscíbete:
Redes Sociales: