Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +
Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Eleccións locais 2019: O PP aposta por un modelo de xestión acreditado coa candidatura á alcaldía de Riós de Francisco Armando Veiga

Imprimir ppou - 11-Xaneiro-2019 - 09:55:33 


• Manuel Baltar cualificou a candidatura de Veiga “como un seguro de éxito para o PP, porque a veciñanza poderá optar por un modelo de xestión que xa está acreditado e que en todo este tempo deu moi bos resultados para o concello”.

11, xaneiro, 2019.

Francisco Armando Veiga Romero (Riós, 1958) optará a un mandato máis na alcaldía de Riós, liderando a lista que o Partido Popular de Ourense presentará neste concello ás próximas eleccións municipais. Unha decisión que o propio candidato explica “pola aposta persoal en dous proxectos de gran importancia para o Concello” e que o PP saúda “porque permitirá ofrecer á veciñanza un modelo de xestión acreaditado”, afirmou o presidente provincial, Manuel Baltar.

  
  
Veiga Romero posúe unha dilatada traxectoria na vida política local, “coa experiencia que me deron os primeiros pasos no Concello desde a oposición e, despois, á fronte do goberno municipal desde 1993”.

O xa candidato popular presume de ter un bo equipo, “bastante renovado e paritario e no que seguirei confiando na súa inmensa maioría, aínda que de seguro haberá algunha incorporación de mozos, seguindo a chamada que ven de facer a dirección provincial do partido, á que lle agradezo a confianza”.

Orgulloso, aínda que nunca satisfeito, cos logros conseguidos neste mandato, entre os que cita “algo que considero fundamental para a creación de emprego, como foi a posta en marcha do Centro Agroforestal, funcionando xa pleno rendemento”, Francisco Armando Veiga recoñece que decidiu presentarse de novo á alcaldía para traballar por dous importantes obxectivos. “Son dous proxectos nos que levamos traballando desde hai tempo –explicou- e nos que teño depositados moita ilusión, como son o parque empresarial de Riós e o centro sociocomunitario, sen esquecer claro está o día a día coa procura de servizos de calidade para a veciñanza”.

O presidente provincial, Manuel Baltar, afirmou entre tanto que para o Partido Popular de Ourense “é unha excelente noticia que Veiga Romero continúe como candidato á alcaldía de Riós, porque é un home experimentado, con visión política, que ten a confianza das súas xentes, elección tras elección, e como estamos a ver sempre deseñando proxectos razoables”.

Manuel Baltar cualificou a candidatura de Veiga “como un seguro de éxito para o PP, porque a veciñanza poderá optar por un modelo de xestión que xa está acreditado e que en todo este tempo deu moi bos resultados para o concello”.

O presidente dos populares ourensáns agradeceu ao candidato “que teña arrestos suficientes, que lle sobran, para continuar liderando Riós durante os próximos catro anos, un xesto e unha decisión avalada plenamente desde o partido”.


Suscíbete:
Redes Sociales: