Noticias
Blog
Máis de 500 militantes de toda a provincia inscríbense para participar no proceso electoral do PP
26, xuño, 2018.
Un total de 516 militantes do Partido Popular na provincia de Ourense, que conta con 25.658 afiliados, formalizaron a súa inscrición para participar no proceso electoral aberto con motivo do congreso extraordinario do mes de xullo.
Logo de pechar o prazo de inscrición, mañá mércores, día 27, comezará a actualización dos datos das xuntas locais que teñan afiliados inscritos para votar aos precandidatos.
Mentres, o venres, día 29, finalizará o prazo de inscrición daqueles afiliados que opten a un dos 72 postos de compromisarios que representarán á militancia no congreso.
Compre lembrar que as votacións celebraranse o 5 de xullo e as urnas, que estarán abertas desde as 09.30 ás 20.30 horas, estarán instaladas en dez puntos da provincia nos que se distribuíron todas as xuntas locais.