Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
XVIII Congreso do Partido Popular
Revista Populares Ourense
Escola de ver‡n
Presidente Partido Popular de Ourense
Facebook

Blog

 Trinta cargos populares ourensáns representarán á provincia na convención nacional que o PP celebrará en abril en Sevilla

Imprimir ppou - 19-Febreiro-2018 - 18:36:34 


• Na xunta directiva celebrada esta tarde, na que se escolleron a dez dos 32 membros da delegación, o presidente provincial, Manuel Baltar, afirmou en clave electoral que “dependemos de nós mesmos porque vimos de traballar desde hai moito tempo, pero tamén hai que preparar unha axenda moi intensa a pouco máis dun ano para someternos á confianza dos cidadáns nas urnas”.
 
Ourense, 19 de febreiro de 2018.- Un total de 32 cargos do Partido Popular de Ourense, entre representantes natos e electos, integrarán a delegación ourensá que acudirá á convención nacional popular que se celebrará en Sevilla os días 6, 7 e 8 de abril. Dez destes representantes foron nomeados esta tarde na reunión da xunta directiva do PP, na que o presidente provincial Manuel Baltar, afirmou que “xa estamos a tomar o pulso da cidadanía e a iniciativa política cara un novo mandato local”.

  
  
A delegación ourensá, con Manuel Baltar á cabeza, estará composta polos parlamentarios autonómicos, deputados, senadores e representantes dos municipios de máis de 10.000 habitantes, ademais do alcalde de Ourense, Jesús Vázquez, e José Antonio Parente, presidente provincial de Novas Xeracións. O resto dos membros nomeados hoxe, de carácter electo, son por unha parta cargos do partido e, por outra, membros da xunta directiva.

A convención nacional do Partido Popular é un órgano de natureza consultiva que se celebra todos os anos, agás cando coincide coa celebración do congreso xeral, e ten como obxectivo avaliar, facer análise e orientar as estratexias e políticas da organización.
 
O presidente provincial, Manuel Baltar, sinalou durante a súa intervención na xunta directiva que os populares ourensáns poderán mostrar nesta convención que “xa estamos a tomar o pulso da cidadanía e a iniciativa política para responder as demandas que de cara a un novo mandato local nos expresa a veciñanza”.

“Dependemos de nós mesmos –engadiu Baltar- porque vimos de traballar desde hai moito tempo, pero tamén hai que preparar unha axenda que será moi intensa a partir de agora, cando queda pouco máis dun ano para someternos á confianza dos cidadáns nas urnas”.


Suscíbete:
Redes Sociales: