Noticias
Blog
Manuel Baltar: “As próximas eleccións locais amosarán a implicación das mocidades do PP coa sociedade”
ppou - 08-Febreiro-2018 - 13:49:25
• O presidente provincial do Partido Popular inaugurou esta tarde, xunto co presidente dp PPdeG, Alberto Núñez Feijoó, a escola de formación Roberto Padilla organizada por Novas Xeracións.
• A formación, dixo Baltar, nunca remata e vai máis aló do coñecemento “sendo creativos, innovando a cada segundo e facendo de esponxas para recoller as inquedanzas dos nosos veciños”.
Ourense, 2 de febreiro de 2018.- O “No 2019 chegará o momento de poner a proba a resposta da mocidade fronte á política e as próximas eleccións locais amosarán a implicación dos mozos do Partido Popular coa sociedade”, dixo esta tarde o presidente provincial do PP, Manuel Baltar, na inauguración das xornadas de formación organizadas por Novas Xeracións, no marco da escola de formación Roberto Padilla, e na que tamén participou o presidente dos populares galegos, Alberto Núñez Feijoó.
 |
“Os mozos que estades aquí sodes políticos en formación”, salientou Manuel Baltar, unha formación que nunca remata máis aló do coñecemento “sendo creativos, innovando a cada segundo e facendo de esponxas para recoller as inquedanzas dos nosos veciños”. Todo un reto que, engadiu, só pode alcanzarse escoitando “e este partido ten a virtude de estar entre a xente”.
Repasou Baltar a súa traxectoria política e como presidente da Deputación provincial para subliñar que “antes de chegar a estas responsabilidades todo o tempo anterior foi formación”, unha aposta que tiña clara mesmo ao chegar tanto á presidencia do partido como da Deputación, poñendo en marcha as escolas Roberto Padilla e Miguel Ángel Blanco e na institución provincial preparación para os traballadores e representantes públicos na administración local.
Por iso afirmou recoñecer o interese dos mozos de Novas Xeraciósn por achegarse á política “tendo vocación pública e ideas que defender, ademáis de darnos a nós a oportunidade de contar a nosa experiencia”.
No acto de apertura destas xornadas tamén participaron os presidentes nacional, autonómico, provincial e da xunta local de Ourense de Novas Xeracións. que en liñas xerais falaron de retos para a mocidade, como o achegamento á política, a reivindicación das súas ideas e a mocidade como garantía de futuro para a sociedade.
Ao remate da inauguración, os presidentes galego e provincial do PP fixeron entrega dunha placa conmemorativa a Marcos Padilla, fillo do militante e profesional do mundo da educación que da nome a esta escola.