O actual alcalde de Nogueira de Ramuín, Julio Temes, renuncia á reelección nos vindeiros comicios locais de maio. Temes, que conseguíu a alcaldía nas eleccións de 2003 -acadando para o Partido Popular 10 dos 11 concelleiros da corporación- , maioría revalidada en 2007 (daquela 9 concelleiros de 11), anunciou esta decisión na reunión da xunta local do PP á que asistíu o presidente provincial Manuel Baltar.

Na mesma xuntanza, celebrada en Luintra onte, os membros do órgano directivo do partido elixiron como candidato á alcaldía a César Parente, actual tenente alcalde e director dunha entidade bancaria. Os asistentes agradeceron o traballo de Temes durante estes anos, e Cesar Parente asumíu a súa candidatura "coa forza de sempre para seguir traballando ao máximo por Nogueira de Ramuín" como así perciben as veciñas e veciños o traballo dos populares neste concello. O presidente provincial do PP, Manuel Baltar, suliñou o excelente ambiente e disposición dos populares de Nogueira, recoñeceu o esforzo e traxectoria de Temes e agradeceu a César Parente que asumira o liderado da candidatura vista a unanimidade dos membros do PP en Nogueira sobre a súa persona.