Presidente Partido Popular de Ourense
Ourense Ten Presidente 2019
Programa Electoral 2015 - 2019
Congresos Locais
Congresos Locais 2016
XVI Congreso Partido Popular de Ourense
XVII Congreso Partido Popular de Ourense
XVI Congreso Partido Popular de Galicia
XV Congreso Partido Popular de Galicia
Revista Populares Ourense
Escola de ver‡n
Presidente Partido Popular de Ourense
Facebook

Blog

 “Patinazo” e falta de respecto institucional do presidente da Fegamp

Imprimir ppou - 13-Xullo-2017 - 19:29:59 


• O presidente do PP de Ourense, Manuel Baltar, afirma que a reunión celebrada hoxe, convocada por Alfredo García, “é unha utilización política de alcaldes” e “unha intromisión ilexítima do presidente da Fegamp nas competencias dun goberno provincial” 

Ourense, 11 de xullo de 2017.- O presidente do Partido Popular de Ourense, Manuel Baltar, cualificou de “patinazo” e de “falta de respecto institucional” a reunión celebrada hoxe en Ourense a instancias de Alfredo García, alcalde do Barco e presidente da Federación Galega de Municipios e Provincias (Fegamp), “xuntanza que supuxo unha utilización política de alcaldes” e “unha intromisión ilexítima do presidente da Fegamp nas competencias dun goberno provincial”, afirma Manuel Baltar.

O presidente dos Populares ourensáns destaca que a actitude de Alfredo García “é unha demostración de calquera cousa menos de respecto institucional, convocando unha reunión agochada ao seu comité executivo e á xunta de portavoces”, ademais de resultar un fracaso absoluto de convocatoria, xa que asistiron 18 -menos do 20 % dos alcaldes e alcaldesas-, e utilizando canles institucionais para convocar un acto a todas luces partidista.

Baltar remarca “a intromisión ilexítima do presidente da Fegamp nas competencias propias dun goberno provincial: o único con maioría absoluta de Galicia”, e a “utilización de alcaldes e alcaldesas nunha pantomima que montan os "profesionais da política" de PSOE e BNG pagados pola Deputación”.

O presidente do PPOU afirma que o alcalde do Barco “vén de demostrar que non ten altura política para representar ao municipalismo galego”, e que a Deputación de Ourense xa transmitiu a queixa correspondente.

Manuel Baltar considera que esta é “unha estratexia burda para asomar a cabeza con vistas ao congreso rexional do PSOE, outro desvarío máis logo de amosar o seu inexistente olfacto político apoiando a Patxi López nas primarias socialistas”.


Suscíbete:
Redes Sociales: