Este pasado fin de semana desenvolveuse en Sevilla a Convención Populares 2011. Unha xuntanza perfectamente organizada e que concluíu coa mensaxe unánime de estarmos os populares en perfecto estado de forma política para asumir os gobernos municipais e autonómicos en maio e o executivo da nación en 2012. Baixo o lema "podes confiar" estivemos durante tres días participando en encontros cos principais líderes do partido e asistindo a ciclos formativos e debates de interese como o que protagonizou Núñez Feijóo, xunto con Pío García Escudero, Esperanza Aguirre, Isabel Pérez Espinosa e José Manuel Soria, moderado por Esteban González Pons e co título "máis sociedade, mellor goberno".

O presidente nacional, Mariano Rajoy, clausurou a convención, unha cita onde tamén protagonizaron as intervencións diante do plenario María Dolores de Cospedal, Javier Arenas e mesmo José María Aznar.
Na delegación do PP de Ourense, encabezada polo presidente provincial Manuel Baltar, figuraban, entre outros, o presidente de honra José Luís Baltar, os membros do comité de dirección Fernando Méndez e Jorge Pumar, por NN.XX Jaqueline Fernández e Jesús Fernández, os deputados Celso Delgado e Ana Vázquez, a senadora Carmen Leyte, o deputado Rodríguez Miranda, o delegado territorial da Xunta Rogelio Martínez,  os alcaldes de Cualedro, Bande, San Amaro, Pontedeva, entre outros, así como o candidato do Carballiño, Argimiro Marnotes.