Noticias
Blog
O goberno de Ribadavia leva dúas semanas sen enviar a ninguén a limpar a praza de abastos
• Esta situación está a causar un profundo malestar entre os comerciantes e usuarios da praza de abastos.
• Estes feitos son unha mostra máis da absoluta incapacidade de xestión dos recursos humanos municipais por parte do goberno socialista.
Ribadavia, 13 de xaneiro de 2017.- Dende o grupo municipal do Partido Popular de Ribadavia queremos facernos eco das queixas que estamos a recibir por parte de comerciantes e usuarios da praza de abastos, que sinalan a falta de limpeza desta instalación nas últimas semanas.
Tanto usuarios da praza como comerciantes coinciden en sinalar que dende que se atopa de vacacións o traballador que habitualmente limpa esta instalación, o goberno municipal non foi quen de enviar ninguén a limpar a praza de abastos e cubrir a ausencia deste traballador.
Esta situación está a provocar un profundo malestar en comerciantes e usuarios da praza que ven como a falta de limpeza comeza a ser preocupante, e o abandono por parte do goberno municipal é evidente e manifesto
Segundo o voceiro do grupo popular, César Fernández, “o señor alcalde presume de dinamización da praza de abastos cando é o responsable directo de que esta instalación leve xa dúas semanas sen que ningún operario municipal pase a realizar as labores de limpeza”.
César Fernández, sinalou que “estes feitos son unha mostra máis da absoluta incapacidade de xestión dos recursos humanos municipais por parte do goberno socialista. O lixo sigue acumulándose na praza de abastos mentras o goberno municipal segue de brazos cruzados.”
O voceiro popular quixo lembrar que, “O goberno ten que facer unha xestión rigorosa e sensata dos recursos humanos municipais e non pode permitir que unha instalación destas características bote dúas semanas sen servizo de limpeza.”