Noticias
Blog
O Partido Popular de Ourense obtén o 55,01 % de apoio do voto emigrante
• Estes resultados afianzan “o continuo aumento do apoio que están a recibir os populares ourensáns, deixando claro máis que nunca que somos o partido de Ourense”, valorou o presidente provincial, Manuel Baltar”.
Ourense, 3 de outubro de 2016.- O Partido Popular de Ourense obtivo o 55,01 % de apoio do voto emigrante, segundo recolle o acta do reconto do Censo de Españois Residentes Ausentes (CERA) realizado esta mañá na Audiencia Provincial. Un resultado que para o presidente provincial, Manuel Baltar, “ven de afianzar o continuo aumento do apoio que no exterior están a recibir os populares ourensáns, que desta volta con case que dous puntos máis que nas xerais de xuño, deixan claro máis que nunca que somos o partido de Ourense”.
Dun total de 1.925 votos válidos, o PP recibiu 1.059 que se traducen nun 55,01 % de apoio. Isto supón máis do triplo que a porcentaxe de apoio do segundo partido máis votado, o socialista, que non supera o 18 %.
Dende as eleccións xerais de decembro de 2015 o apoio ao Partido Popular por parte dos residentes ausentes non deixou de medrar, situándose daquela no 47 % e superando en xuño o 53 %.
Datos moi positivos para Manuel Baltar que, agradecido pola confianza depositada no PP, non deixou de lamentar a escasa participación que se está a rexistrar no CERA e que na cita electoral galega rozou os dous puntos dun total de 98.942 galegos con dereito ao voto.