Noticias
Blog
O PP denuncia diante da Xunta Electoral a Ignacio Gómez por utilizar medios públicos con fins electorais e de exaltación da xestión do goberno municipal
ppou - 23-Septembro-2016 - 22:03:25
• Nunha convocatoria de axudas, o rexedor de Ribadavia ensalza o uso de recursos propios e critica e alude aos “recortes en educación doutras administracións”.
• Esta forma de actuación, reiterada na persoa do alcalde de Ribadavia (xa foi sancionado nas anteriores eleccións xerais) supón para o Partido Popular de Ourense “unha evidente vulneración dos principios de obxectividade e transparencia do proceso electoral e de igualdade”, que debe ser sancionada.
Ourense, 23 de setembro de 2016.- O Partido Popular de Ourense ven de presentar unha denuncia diante da Xunta Electoral contra o alcalde de Ribadavia, Ignacio Gómez, por unha nova vulneración da lei electoral ao utilizar medios públicos, nomedamente a páxina web do Concello e na rede social Facebook, para realizar declaracións de carácter electoralista en pleno proceso para os comicios autonómicos.
Segundo consta no texto da denuncia, o pasado 31 de agosto o Concello de Ribadavia fixo pública na súa web a convocatoria dunha serie de axudas para a adquisición de material, convocatoria que emprega “para fins electoralistas ou de exaltación da xestión do goberno municipal”. Con este obxectivo, recolle o texto, se usan frases como “para que non se produzan inxustizas a causa da crise económica que estamos a pasar (...) o Concello de Ribadavia está a facer un esforzo utilizando recursos propios”, ademais de “… estamos contribuíndo así a amortiguar e minorar o efecto dos recortes en educación doutras administracións”.
Esta forma de actuación, reiterada na persoa do alcalde de Ribadavia (xa foi sancionado nas anteriores eleccións xerais) supón para o Partido Popular de Ourense “unha evidente vulneración dos principios de obxectividade e transparencia do proceso electoral e de igualdade entre os actores electorais, cunhas evidentes connotacións electoralistas, que consideremos deben ser sancionadas”
O PP de Ourense subliña que esta nova denuncia pon en evidencia a máis absoluta falta de escrúpulos do rexedor de Ribadavia, que nin respecta o xogo democrático, tratando de conseguir votos de calquera xeito sen o máis mínimo decoro.
O desprezo que pola lei electoral está a facer Ignacio Gómez e os socialistas de Ribadavia xa quedou en evidencia, como cita a denuncia, coa sanción imposta ao rexedor pola Xunta Electoral, logo presentar proxectos en pleno proceso electoral “inducindo de forma mediata a través dos medios de comunicación o sentido do voto dos electores”, segundo recolle a resolución.
Tamén lembra o Partido Popular a denuncia interposta contra o PSOE de Ribadavia, que nun desprezable exercicio de mala fe continuou a facer campaña electoral no primeiro día de actividade maila que os partidos políticos que concorren a estas eleccións decidiron suspender todos os actos en sinal de duelo pola morte de catro persoas no accidente ferroviario do Porriño.