Noticias
Blog
Rosendo Fernández reúnese cos colectivos de Mulleres e Igualdade de Ourense
ppou - 20-Novembro-2010 - 23:12:24
Dentro da rolda de Encontros Sectoriais que o candidato do PP á Alcaldía de Ourense, Rosendo Fernández, está a manter cos diferentes colectivos da cidade, tivo lugar a reunión con representantes de colectivos de Mulleres e Igualdade. Na xuntanza, coordinada por María Antonia Rilo, responsable da Área de Igualdade do PP de Ourense, participou tamén o presidente provincial do partido, Manuel Baltar, e abordáronse tres temas: Igualdade, violencia de xénero e emprego feminino en Ourense.
Na reunión estiveron presentes representantes de colectivos como amas de casa, viúvas, movemento veciñal, mulleres rurais, comerciantes e mulleres de diferentes ámbitos profesionais e empresariais de Ourense como traballadoras e educadoras sociais, representantes de sindicatos, inmigrantes e xóvenes.
Rosendo Fernández considera que o obxectivo do encontro "é impulsar políticas efectivas en favor da igualdade, para que a muller siga incrementando o seu protagonismo na vida pública e social da cidade de Ourense, ademais de debater sobre a problemática actual da muller e propoñer iniciativas que permitan mellorar o ámbito da igualdade na sociedade".