Organizar e coordinar a estratexia electoral do Partido Popular na provincia de Ourense de cara aos vindeiros comicios municipais de maio de 2011 é o obxectivo do Comité de Campaña Provincial do PP de Ourense que hoxe se constituíu na sede provincial do Partido Popular. Nesta primeira xuntanza analizáronse os equipos de traballo, as áreas e as tarefas que se van poñer en marcha, así como as actividades que os Populares van desenvolver para achegar a súa mensaxe política aos cidadáns da provincia de Ourense.
O presidente provincial do PP Manuel Baltar afirma que se trata dun ambicioso proxecto "que hoxe poñemos en marcha para seguir sumando alcaldías e a confianza dos cidadáns ao proxecto do PP de Ourense, o partido co que se identifican os ourensáns, que en cada elección nos dan maioritariamente a súa confianza".